Ju ftojmë të dëgjoni këngën “Dashuro”, kënduar nga Nexhmije Pagarusha.
Ti – të mos ishe,
nuk do t’ishte as kjo kangë.
Ti – po t’mos ishe,
unë as vujtjet s’kisha njoftë.
Dritë – të mos kishte pasë
E di -me sy mbyllur do t’kisha pa.
N’mot – kam marrë rrugën
e t’harroj për s’gjalli ty.
Se edhe ty – urrejtja nji ditë ka për t’hy.
M’dashuro – me zemër,
rrjedh si lot
Përqafo – tëre botën sot.
M’dashuro – o çapkën i vendit tim
le t’ shpërthej çdo gja me gzim.
E lindur në maj 1933 në Malishevë, Nexhmije Pagarusha kishte filluar karrierën e saj muzikore në vitin 1948 në Radio Prishtinë. Më 1984 ajo përmbylli karrierën si këngëtare.
Zëri i saj karakteristik e shndërroi në një ikonë të papërsëritshme, bazuar në dhuntitë dhe talentin e saj të pakufishëm.
Përveç këngëtare, ajo ishte edhe aktore filmi e teatri. Për vlerat e punës ajo është nderuar me çmimin “Nderi i Kombit” nga presidenca e Shqipërisë, ndërsa presidenca e Kosovës i ndau çmimin “Artiste e Merituar”.
Nexhmije Pagarusha, vdiq në moshën 86-vjeçare. Ajo la pas vetes plot pesë albume e 88 këngë, prej tyre më të njohurat “Baresha” dhe “Zambaku i Prizrenit”.
Ajo do të mbahet mend si një model referimi për brezat e rinj të artistëve, një yll i pashuar i muzikës shqiptare.
Nexhmije Pagarusha mbylli sytë përgjithmonë më 7 shkurt të vitit 2020.
ObserverKult
Lexo edhe:
