Orkestra e Filarmonisë së Kosovës në Atelienë e Pallatit të Rinisë dhe Sportit mbrëmë solli dy premiera për publikun e Prishtinës.
Publiku ishte dëshmitar i interpretimit të “Rapsodisë Shqiptare” nga Fan S. Noli, duke sjellë kështu Nolin në dimensionin e tij si kompozitor.
Nën drejtimin e dirigjentit Maayan Franco, i cili u rikthye në Prishtinë për herë të tretë, vepra e dytë në program ishte “Koncert për piano” nga kompozitorja Dafina Zeqiri – Nushi. Kjo vepër erdhi në interpretim mjeshtror nga pianisti Misbah Kaçamaku dhe Orkestra e Filarmonisë së Kosovës.
Pjesa e dytë e koncertit solli një prej kryeveprave të muzikës simfonike dhe njëherësh shpërfaqi kapacitetin në rritje të Orkestrës, kjo përmes interpretimit të Simfonisë Nr. 1 të Brahms-it.
Ndërsa një tjetër koncert me një mbrëmje të rrallë po ashtu nga Orkestra e Filharmonisë pritet të mbahet së shpejti, ka njoftuar përmes një njoftimi Ministria e Kulturës, Rinisë dhe Sportit (MKRS).
“Më 22 mars 2024, nën drejtimin e dirigjentit francez Aurélien Azan Zielinski, dhe me pjesëmarrjen e violonçelistes Aurélienne Brauner, Orkestra Filharmonike e Kosovës premton një tjetër mbrëmje të rrallë koncertore “, bëhet me dije përmes njoftimit.
ObserverKult
Lexo edhe:
MURTEZAN ARIFI: TË KUJTOHET, LILI?
Ishte dasëm… Në çdo anë vinte era raki
Qe e dehur edhe koha
edhe koka
Të kujtohet, Lili?
Jashtë kënga e ngjyroste mbrëmjen me kaltërsi.
Në çdo anë vinte era raki.
Era e pranverës qe dehur
edhe lulet: mbrëmja mbahej avllive-
s’e mbanin këmbët… E brenda në mua ishe Ti.
me tërë mbrëmjen, ëndrrat, urimet,
me gjithë britmat e dehura te reve…
Të kujtohet, Lili?
Se nga erdhën yjet para meje
në gota, mbi supe, në barin e njomë
gjetheve të plepit të lartë
me shushurimë.
A të kujtohet, Lili?
Vallja e fundit ishte për ty.
E fundit…
e fundit…
Poezinë e plotë munnd ta lexoni KËTU:
ObserverKult
