Pirro Çako: Më harrove ndoshta nga nxitimi (teksti dhe kënga)

Jam thjeshtë një valixhe,
harruar në një aeroport të largët
më harrove ndoshta nga nxitimi,
siç humbasin avionët në qiellin e vranët.

Pres natë e ditë pa shpresë,
asnjë avion s’do të më marrë me vete,
jam mbuluar me pluhur dhe harresë,
ndërsa avionët, tutje reve treten.

Nuk e di, në a je kujtuar
se brenda meje kishte gjëra shumë të çmuara
apo thjeshtë mua më shënove,
në listën e sendeve të harruara.

Brenda unë kam ca konture
dhe shumë ditë me copëza gëzimi,
i ruaj se ndoshta vjen më gjen sërish,
duke marrë frymë shpejt nga nxitimi.

Nuk e di, në a je kujtuar
se brenda meje kishte gjëra shumë të çmuara
apo thjeshtë mua më shënove,
në listën e sendeve të harruara.

Ti aty të mbledhura ke ditët,
që tani më janë djersitur se erdh vera,
orët tona që s’ditëm ti jetonim,
ke dhe gjethet që na hidhte nga zilia era.

Nuk e di, në a je kujtuar
se brenda meje kishte gjëra shumë të çmuara
apo thjeshtë mua më shënove,
në listën e sendeve të harruara.

Jam unë thjeshtë një valixhe,
harruar në këtë aeroport të largët
si avionët e humbur, në këtë qiell të ftohtë
dimërak dhe të lagësht.

Nga po ky këngëtar: Pirro Çako: Mos u bon xheloz për mu…(Teksti dhe kënga)