Ju ftojmë t’i lexoni dy poezi nga fituesja e sivjetme e Çmimit Nobel për Letërsi, Han Kang:
Përtej syve të mi
Shiko bebëzën e syrit
Ka flakë
Kaltëroshe
Zemra
Në formë syri
Gjëja më e zjarrtë
Më e ndritshme
Është flaka brenda
Portokalli
Ajo që rrezon më shumë
Ajo që e rrethon përsëri
Flaka jashtë gjysmë e dukshme
Nesër në mëngjes
Nisem në qytetin më të largët
E këtë mëngjes
Syri kaltërosh
Në flakë
Shfaqem përtej syve të mi
Dimër përmes një pasqyreje
Brenda pasqyrës
Dimri po pret
Vend i ftohtë
Vend shumë i ftohtë
Është shumë ftohtë
As objektet nuk lëvizin
As fytyrat tuaja
Edhe sot të ngrira
Nuk mund të thyhen
Unë nuk e zgjas dorën time
As ti tënden
Nuk dua ta zgjasë dorën
Në këtë të ftohtë
Brenda pasqyrës
Pret dimri dhe brenda pasqyrës
Nuk mund t’i shmang sytë e tu
përktheu: Adelina Çoçaj Ismaili
ObserverKult
lexo edhe:
Ndahet Çmimi Nobel për letërsi, fituese është autorja koreano-jugore Han Kang
Çmimi Nobel në Letërsi 2024 i jepet autores koreano-jugore Han Kang, “për prozën e saj intensive poetike që përballet me traumat historike dhe ekspozon brishtësinë e jetës njerëzore”.
Ajo ka një vetëdije unike për lidhjet midis trupit dhe shpirtit, të gjallëve dhe të vdekurve, dhe në stilin e saj poetik dhe eksperimental është bërë një novatore në prozën bashkëkohore.
Han Kang ka lindur në vitin 1970 në qytetin e Koresë së Jugut të Gwangju më parë, në moshën nëntë vjeç, duke u zhvendosur me familjen e saj në Seul.
Ajo vjen nga një familje që merrej me letërsi, babai i saj ishte një romancier me reputacion. Krahas shkrimit të saj, ajo i është përkushtuar edhe artit dhe muzikës, gjë që pasqyrohet në të gjithë produksionin e saj letrar.
Çmimi prestigjioz i është dhënë romancieres koreano-jugore Han Kang për “prozën e saj intensive poetike që përballet me traumat historike dhe ekspozon brishtësinë e jetës njerëzore”.
Veprat e saj përfshijnë ‘Vegjetarianin’, ‘Librin e Bardhë’, ‘Veprat Njerëzore’ dhe ‘Mësimet Greke’.
Han, 53 vjeçe, e filloi karrierën e saj me një grup poezish në një revistë të Koresë së Jugut, përpara se të bënte debutimin e saj në prozë në 1995 me një përmbledhje me tregime të shkurtra.
Më vonë ajo filloi të shkruante vepra më të gjata në prozë, veçanërisht “Vegjetariane”, një nga librat e saj të parë që u përkthye në anglisht. Romani, i cili fitoi Çmimin Ndërkombëtar Man Booker në vitin 2016, përshkruan përpjekjen e një gruaje të re për të jetuar një ekzistencë më “si bimore” pas vuajtjes së maktheve makabre për mizorinë njerëzore.
Han është autorja e parë koreano-jugore që fiton çmimin e letërsisë dhe vetëm gruaja e 18-të nga 117 çmimet e dhëna që nga viti 1901.
ObserverKult
