Kryeministri Edi Rama ka ndarë një artikull nga prestigjozja amerikane ‘Time’ në rrjetin e tij social Facebook ku tregon bukuritë e qytetit të Beratit.
Rama thekson se Berati është një qytet magjik, teksa është ndalur edhe në historinë e bukur dhe të veçantë të këtij qyteti.
“Revista prestigjoze amerikane “Time” i ka dedikuar një artikull qytetit të Beratit duke e sugjeruar për turistët si një ndër vendet për t’u vizituar në vitin 2023.
Bukuria e lagjeve të gurta, arkitektura, ushqimi, natyra e sidomos historia e këtij qyteti magjik bëhet edhe më e pasur me mikpritjen, humanizmin, dhe qytetërimin, kur beratasit shpëtuan hebrenjtë gjatë Luftës së Dytë Botërore.
Të gjitha këto detaje i nxjerr në pah artikulli.”- shkroi Rama.
Artikulli i plotë:
Shtëpitë e vjetra prej guri “mbushin” brigjet e lumit Osum në Berat, duke mbështjellë vizitorët në bukurinë historike të qytetit të Beratit.
Ky vit, shënon 80 vjetorin e mbërritjes së forcave gjermane në Shqipëri gjatë Luftës së Dytë Botërore dhe të popullit të Beratit që mbrojti shumë prej hebrenjve të vendit që kërkuan strehim. Pra, duke e ilustruar parimin e kodit shqiptar të Besës, i cili thotë se shtëpia është para së gjithash, për mysafirët dhe Zotin.
Për të kuptuar më mirë historinë e 400 viteve të historisë hebreje të Beratit, duke përfshirë mënyrën sesi Shqipëria u bë i vetmi vend në Evropë, popullsia hebreje e të cilit u rrit gjatë Luftës së Dytë Botërore, është e nevojshme një vizitë në Muzeun Solomon.
Një muze etnografik në një shtëpi tradicionale përballë rrugës ofron më shumë kontekst shqiptar, së bashku me kishat bizantine të shekullit të 13-të të Beratit, xhamitë e shekullit të 16-të dhe një kështjellë mijëravjeçare me pamje nga qyteti unik piktoresk.
Berati vazhdon traditën e mikpritjes së jashtëzakonshme në restorantet dhe hotelet e tij. Përtej urës së Goricës, dhomat moderne të patëmetë në Boutique Hotelin Amalia kundërshtojnë pamjen e jashtme të lashtë prej guri dhe një përzgjedhje raki i fton mysafirët të shijojnë stilet shqiptare të rakisë së frutave të njohura në të gjithë Ballkanin.
Rakia derdhet lirshëm gjithashtu në Lili Home-Made Food, më shumë një oborr i shtëpisë në lagjen Mangalem sesa restorant.
Pasi mikpritësi me të njëjtin emër argëton mysafirët me shpjegimet e menusë teatrale dhe gruaja e tij Mirella gatuan në kuzhinën e shtëpisë së tyre familjare.
Tridhjetë minuta në malet jashtë qytetit, Restorant Roshniku shërben me bollëk gosti tradicionale të pjekura të dhive gjidhënëse me produkte vendase. Duke përfshirë nga kantina e verës dhe hoteli pranë familjes, Kantina Alpeta./gazetashqiptare.al
ObserverKult
Lexo edhe:
FOTOGRAFI TË RRALLA: SI DUKEJ BERATI NË VITIN 1944…
Këto pamje të rralla vijnë nga qyteti i Beratit dhe janë realizuar në vitin 1944.
Në këto foto, pos peizazheve, shihet përditshmëria e qytetarëve të qytetit të një mbi e një dritareve, nga daljet për të bërë pazare, e deri tek tek bisedat me njëri-tjetrin.
Tekstin e plotë mund ta lexoni KËTU:
ObserverKult
