Së shpejti vjen qyteti i së ardhmes dhe kubi gjigant nga ku mund të “shëtisësh” edhe në Mars

Së shpejti, kush banon apo viziton Riadin saudit, mund të vendosë të pijë një kafe i “zhytur” në një pyll tropikal, mund të sodisë peizazhin e Arktikut së bashku me arinjtë polarë, të afrojë atmosferën pariziene ose qershitë karakteristike të Tokios.

Për ata më aventurierë, madje, “mundësia” për të drekuar në shkretëtirën e planetit Mars, do të jetë po aq e mundur.

Fantazia e çdonjërit mund të realizohet pas ndërtimit në Arabi Saudite të një prej godinave më të mëdha në botë, Mukaab. Kjo ndërtesë do të jetë atraksioni më i madh dhe ikonik i qendrës së re të kryeqytetit të Arabisë Saudite. Do të quhet New Murabba, dhe është basti i radhës i princit Mohammad bin Salman. 

“New Murabba” do të jetë qendra e re e kryeqytetit Riad, simbol i një vendi që është pasuruar nga nafta dhe nënproduktet e saj, por që e shikon veten përtej ndikimit nga këto burime natyrore, që një ditë do të shterojnë.

Qendra e re do të jetë një sipërmarrje ku teknologjia do të jetë ajo e fjalës së fundit, madje do të jetë edhe selia e disa universiteteve që pikërisht në kërkimin shkencor dhe teknologjitë e reja do të kenë fokusin e tyre.

Bëhet fjalë për një sipërfaqe që sipas parashikimeve tejkalon 19 kilometra katrorë, shtëpi e rreth 100 mijë banorëve të ri që do të vijnë nga e gjithë bota. Aty nuk do të mungojnë muze, teatro dhe hapësirat  e përbashkëta për sportin dhe relaksin.

Një mrekulli për të cilën do të nevojiten të paktën 300 mijë punëtorë, dhe që sipas shpresave të princit Bin Salman duhet të përfundojë brenda vitit 2030.

Elementi ikonik i lagjes së re është pikërisht Mukaab, një grataçel në formë kubi më lartësi rreth 400 metra, brenda së cilës mund të hyjë 20 herë Empire State Building njujorkez. 

Elementët tradicionalë të arkitekturës arabe do të gërshetohen në këtë godinë me mrekullitë e teknologjisë digjitale, ku përmes disa hologrameve të avancuara tek pjesa e brendshme, ku përfshihet edhe një kullë spirale plot me dyqane dhe aktivitete të ndryshme, do të shfaqen edhe pamje që do të krijojnë ndjesinë virtuale të një udhëtimi në kohë dhe në hapësirë./a2news

ObserverKult


Lexo edhe:

DOKUMENTARI “MBIJETESA DHE SHKOLLA” PRANOHET NË “TOKYO LIFT-OFF FILM FESTIVAL 2021”

Deri më tani filmi është shpërblyer me 4 çmime si dokumentari më i mirë i shkurtër (në Suedi, Turqi dhe Indi) dhe 2 herë ka qenë finalist. Ky është festivali i 6-të që merr pjesë dhe priten edhe të tjera.

Mbijetesa dhe shkolla

Është një tregim i bukur për një kohë të keqe. Një oazë paqeje në kohë lufte. Fjala është për një shkollë najloni të ndërtuar në malet e Berishës që kishte tubuar rreth 200 nxënës të fshatrave përreth.

Fate njerëzish që shihen në harkun 20 vjeçar në xhirime autentike të kohës dhe të tashmes në rrethana krejtësisht të ndryshme na shpalosin më së miri fatin gri të njeriut.

Tekstin e plotë mund ta lexoni KËTU:

ObserverKult