Sindromi i Ana Kareninës, dashuria që e dëmton veten

Në këtë artikull ju sjellim në vëmendje sindromin e Ana Kareninës, ose të dashurisë që transformohet në një sëmundje për shëndetin tonë. 

Shumë prej nesh nuk e dinë se dashuria jo gjithmonë është e lehtë dhe nënkupton mirëqenie. Ka raste kur ajo shndërrohet në një sëmundje dhe në një armik për shëndetin tonë. Sindromi i Ana Kareninës është një sindrom që prek personat, të cilët bëhen viktima të dashurisë.

Jo gjithçka që shndrin, është ar. Çdokush nga ne ëndërron të gjejë dashurinë e vërtetë në jetë. Por kjo dëshirë shpesh e pakontrolluar, mund të transformohet në një thikë me dy presa. Sepse dashuria mund të na shndërrojë në persona komplet ndryshe.

Sindromi i Ana Kareninës mund t’ju bëjë ta kuptoni se për çfarë po flasim. Ana Karenina ka qenë protagonistja e romanit të Leo Tolstoit me të njëjtin titull. Është një roman mjaft i bukur, një kryevepër në letërsi. Përfaqëson një mundësi reflektimi për ato lloje dashurish që mund të shndërrohen në të rrezikshme. Ato lloje dashurish që në vend të na bëjnë të lumtur, përfundojnë duke na lënduar.

Pra, bëhet fjalë për personat që janë duke përjetuar dashuri jo të shëndetshme, të cilat i bëjnë të humbasin kontrollin, t’i kalojnë kufijtë dhe mbi të gjitha të humbasin qartësinë mendore. 

Janë persona që shndërrohen në kukulla në duart e dikujt tjetër, i cili nuk është në gjendje t’i bëjë të lumtur. Në lidhje të tilla nuk ka lumturi, thjesht ankth dhe stres të vazhdueshëm. Ankthi për të mos qëndruar të vetëm, ankthi për të mos e humbur personin që duan, ankthi për të qenë gjithsesi në lartësinë e duhur për personin tjetër. Humbasim sigurinë dhe vetëvlerësimin tonë, transmeton bota.al

Pra, personat që vuajnë prej këtij sindromi, përfundojnë duke humbur veten e tyre. Kemi të bëjmë me dashuri, ku duhet me patjetër t’ia mbathim sa më parë, pasi mbeten toksike dhe kurrsesi nuk na falin lumturinë që duhet të na falë një dashuri e vërtet.

ObserverKult


Lexo edhe:

DASHURIA ËSHTË E BUKUR VETËM KUR NUK DASHURON