Sopranoja me famë botërore, Ermonela Jaho, duke folur për Rudina Xhungën në Dritare TV, përcjell një mesazh sa të bukur edhe shpresëplotë, se ëndrrat bëhen realitet kur i ndjek, kur nuk heq dorë prej tyre, kur punon fort për t’i prekur.
“Imja u bë realitet, edhe jotja do të bëhet”, thotë ylli i skenave botërore. Më tej ajo flet edhe për botën e digjitalizimit, duke dhënë një mesazh edhe për brezin e ri ku thotë se suksesin duhet ta masin me punë, jo klikime.
“Ëndrrat realizohen. Ka një punë të madhe, një punë të jashtëzakonshme, sepse pa punë, edhe ëndrra më e bukur nuk mund të arrihet. Sepse jetojmë në epokën e digjitalizimit dhe ndonjëherë krijojmë një imazh fallco. Duket sikur suksesi arrihet me një fotografi të bukur, me filtra. Ti do bëhesh një këngëtare e madhe, sepse ke bërë këtë photoshooting.
Edhe ajo duhet se njeriu prezantohet, por ti duhet të arrish të bësh diçka cilësore, sepse gjërat e mira marrin kohë. Ndaj, duket sikur suksesi arrihet shpejt sepse ke sa më shumë ‘likes’. Në disa momente edhe mundet, por jo në art. Aty je një gladiator i skenës, sepse shpirti yt human, ndjenjat e tua, përgatitjet tuaja përballen me publikun, ndaj duhet të jesh i zoti te realizosh diçka në skenë. Jo ajo fotografia”, u shpreh Jaho.
Lexo edhe:
ERMONELA JAHO NË GJENDJE JO TË MIRË SHËNDETËSORE, ANULON KONCERTET
Sopranoja e njohur shqiptare, Ermonela Jaho, ka anuluar dy koncerte në Oviedo dhe Bilbao. Shkak për këtë anulim të koncerteve është bërë gjendja shëndetësore e sopranos.
Në vazhdim mund ta lexoni postimin e saj pa ndërhyrje:
‘Dua të shpreh me gjithë sinqeritet, nga thellësia e shpirtit, trishtimin e madh që ndjej tani që detyrohem të anulloj dy koncertet e mia ne Oviedo dhe Bilbao për arsye të pashmangshme shëndetësore.…
Tekstin e plotë e gjeni KËTU
