Të dua!
Mendohu!
Të dua! Kapërcej udhëkryqet e jetës,
kapërcej shiritat e bardhë të rrugëve të asfaltuara
me këto fjalë të përjetshme: “Të dua!”
Oh, si janë qiejt tanë të kaltër,
më të butë se mëndafshi i deteve mesdhetare!
Atje ndizen me miliona yje natën,
ndërsa unë, në kupolë të tyre, kam shkruar:“Të dua!”
Mbi rërën e plazheve kam shkruar: “Të dua!”,
Përmbi dyert e kabinave: “Të dua!”,
mbi granitin e maleve: “Të dua!”
Dhe kam zbritur poshtë hendekëve
dhe livadheve të gjelbra plot lule: “Të dua!”;
Pranë kallamave fërshëllonjës
dhe pranë lëvorfeve të drurëve shekullorë kam shkruar: “Të dua!”
Mbi velën e kuqe të banderolave,
ku shkruhen gjëra të rëndësishme me germa të bardha
unë shtoj me mend edhe këto fjalë:
“Të dua, të dua!
Mendohu,
të dua!”
ObserverKult
Lexo nga i njëjti autor edhe:
Dhori Qiriazi: Kur qaja unë
Kur qaja unë, me mua s’qau askush;
veç fija e barit në anë të udhës mbirë
dhe deg’ e shelgut e lagur, e mërdhirë,
që me dëborë e akull shpesh u mbush.
Poezinë e plotë e gjeni KETU
Dhori Qiriazi: Ti ndofta do shkosh
Ti ndofta do shkosh prej meje e etur
në rrugë të tjera, dashuri të tjera!
Si hirin e djegur do shpërndajë era
netët jetime që shkuam pa fjetur.
Poezinë e plotë e gjeni KETU
ObserverKult
Vjen e plotë pas 150 vjetësh “Bleta shqiptare” e Thimi Mitkos
Në 200-vjetorin e lindjes së Thimi Mitkos, Akademia e Shkencave e Shqipërisë ka botuar në dy vëllime librin e Dhori Q. Qiriazit “Bleta shqiptare”, shkrime të tjera dhe dokumente”.
Studiuesi Shaban Sinani thotë se “Bleta shqiptare”, ka luajtur një rol kyç në historinë e zhvillimit të letrave shqipe përgjatë shekullit 19-të.
“po ashtu edhe për përurimin e vetëdijes shqiptare, jo vetëm të popullit shqiptar në atë periudhë por edhe të autorit vetë,” theksoi Shabani.
Në këtë botim kanë dalur në dritë edhe dokumente e shkrime te tjera që kanë të bëjnë me veprën si dhe lidhjen e Thimi Mitkos me personalitetet e kohës.
“Është fjala për Bletën e vitit 1875 e cila e la krejt të pakënaqur autorin, sepse në përgatitje kishte shumë gabime. Janë shqetësimet e Mitkos për këtë ndërmarrje, por edhe për lëvizjen kombëtare,” thekson studiuesi.
Botimi i kësaj vepre pas 150 vitesh është gjysma e punës, pasi së shpejti pritet që vepra të transliterohet me alfabetin latin nga Dhori Q. Qiriazi
Krahas dy autorëve Gjergj Pekmezi dhe Qemal Haxhihasani që kanë botuar pjesë nga Bleta Shqiptare një meritë të vecantë ka edhe Jorgo Bulo si njeriu që zbuloi dhe solli në Shqipëri arkivin e dorëshkrimeve të tij, mbi 5000 mijë skeda, që mundësuan botimin e Fjalëtores gjashtë vite të shkuara./abcnews
ObserverKult
Lexo edhe:
SHQIPONJA E FLAMURIT, TASHMË-SIMBOL I KRIMINELËVE, ZYRTARËVE QË RRJEPIN SHTETIN…
Shqiponja e tatuazhuar është masivisht në botën tonë të krimit dhe me të individë dhe grupe tregojnë individualitetin dhe forcën “e veçantë” të racës shqiptare. Për fat, ka edhe gjetje të tjera.
Nga Ben Andoni
Nuk është habi që, pas pak dekadash, po vazhduam me këtë ritëm, shqiponjën ta kemi vetëm në flamur apo të tatuazhuar te trupat e të fortëve, hashashpronarëve me qafat mbushur me gjerdanë ari…
Anipse, simbolika që sollën tifozët kuqezi me bashkimin e gishtërinjve duke krijuar imazhin e shqiponjës ka qenë nga gjetjet më të arritura në historinë tonë urbane.
I ka dhënë jetë shpesh shfryrjes së gëzimit së sportistëve, individëve dhe sportdashësve. Sot, me këtë shenjë identifikohet Shqipëria, Kosova dhe patriotizmi i tyre; nacionalizmi i shumë individëve, që duan të tregojnë valencën e tyre shqiptare; por edhe forca e “të fortëve”.
Shqiponja e tatuazhuar është masivisht në botën tonë të krimit dhe me të individë dhe grupe tregojnë individualitetin dhe forcën “e veçantë” të racës shqiptare. Për fat, ka edhe gjetje të tjera.
Tekstin e plotë e gjeni KETU
ObserverKult
