Të lutem Grua! Divorcohu sa s’të ka vrarë! Mos u bë viktima e radhës!

grua ankthi

Janë dhjetra e dhjetra gra që viteve të fundit kanë pësuar me jetë nga bashkëshortët e tyre. Të tmerrshme janë lajmet e trishta për “edhe një grua të vrarë”

Tashmë gratë e vrara, janë shifra. Disa ditë në rrjetet sociale publiku alarmohet, duke kërkuar drejtësi, përmes statuseve në facebook. Eventualisht mbahet edhe ndonjë protestë kryesisht jomasovike.

Dalin një grusht grashë e ndonjë burrë me ca pankarta në duar dhe gjithcka mbaron këtu. Të nesërmen luhet një ndeshje futbolli dhe harrohet gruaja e vrarë.

Dhe bie gjithçka në heshtje.

Institucionet e drejtësisë nuk i trajtojnë me seriozitet rastet e tilla të krimeve.

OJQ-të që organizojnë fushata në mbotje të gruas dhe kundër dhunës në familje, e kanë aq seriozisht sa edhe vet fondet që i marrin. Sa për të raportuar.

Dhuna vazhdon. Secilin mëngjes mund ta zbardhim me lajmin “Edhe një grua e vrarë”. “U qëllua nga burri”, “U vra nga burri”, “Burri e vrau me sopatë” etj.

Prandaj, të nderuara gra!

Ju lutem, mos vazhdoni të jetoni me persona që keni parë se mund të jetë i dhunshëm.

Mos duroni grushta, shqelma!

Mos e ulni kokën!

Mos e tejkaloni!

Mos u bëni viktima e radhës!

Mos u bëni numër!

Divorcohuni!

Jeta është e bukur!

Dhe ju jeni zonja të trupit tuaj!

Divorcohuni dhe ecni para!

Fatlinda Sinani

ObserverKult

lexo edhe:

RRËFIMI PREKËS I NJË GRUAJE TË DHUNUAR NGA BASHKËSHORTI…