Teksti i këngës “Mesnatë” e kënduar nga Vikena Kamenica.
Mesi i natës
mbi ne ja tani sa kaloi
Qetësi, qetësi
Qyteti fle
edhe rrugët dhe njerëzit ngado
flenë dhe shlodhen
Pranë e pranë
ne ecim të heshtur të dy
Si n’takimin e parë
Je sonte e mahnitshme ashtu
Si n’takimin e parë.
Dhe më thua,
dashuria,
është si ëndërr
Si këngë e re
tek njerëz si ty
dhe kurrë s’mbaron
Se çdo njeri një ëndërr të vetme ka
dhe mbanë dhe ushqen një dashuri
në shpirt të tij thellë.
O dashuri e bardhë e imja e parë
Mes ëndërrash ti tani qëndron
Mes dashurish pafund
Mesi i natës mbi ne
ja tani sa kaloi
dashuri, dashuri
Me fytyrën plotë jetë,
dhe me sytë ku po rrjedhë vetë
kjo natë,
e ngrohtë vjeshte
Ti tani vjen dhe kryet
në krahnor më mbështet
Dhe ashtu si flet ti
me zërat e jetës s’re
që ngado na rrethojnë
Po më thua,
dashuria është si kënga
Dhe koha jonë, gjithë botën sot
me krahë pushtoj
Mesi i natës mbi ne
ja tani sa kaloi,
sa kaloi…
ObserverKult
Këngën mund ta dëgjoni duke klikuar KËTU
========================
Lexo edhe:
VIKENA KAMENICA KËRKON SKENA MË TË MIRA PËR ARTISTËT
Mexosopranoja Vikena Kamenica, në një bashkëbisedim të kryebashkiakut Erion Veliaj kërkoi skena më të mira për artistët.
“Jam e lumtur që pas 20 vitesh të të thithurit të pluhurit të frikshëm të amortizuar të një teatri.
Kur më kujtohet rrëzimi i Romeos te ‘Romeo e Zhuljeta’, që ngrihej pluhuri nga poshtë… s’ishte papastërti, ishte dru i amortizuar, i shkërmoqur.
Jam në një moshë ku më duhet ta ngre zërin, që fëmija im nuk duhet t’i shohë fare ato gjëra që kam kaluar unë.
Unë dua të shoh që gjërat të ecin përpara.”, tha Vikena Kamenica
Për mua është shumë i rëndësishëm vizioni.
Ju e keni shtruar deri këtu, por unë stekën e kam më lart, dua të shtrohet më mirë, dua më tepër skena,” u shpreh Vikena Kamenica.
