atdhe është një gjethe e këputur ulliri
rënë rrëzë një shkëmbi
është dhe këmishë e gjakut
që vaj i parë i foshnjës e shqyen
është liria e njgjyrave të ylberit
në telajon e kaltërremë
dhe kënga e zhegitur e gjinkallës
në sofrën e verës së bereqetshme
është një stërkalë e dashuruar deti
që në përqafimin e prushanës së bregut shuhet
është dhe amaneti
në rrudhat e ballit të babëlokut
këmbëkryq ulur në ballë të oxhakut
është diell i përditshëm
që kurrë nuk soset
është udha e dëshmorëve
dhe bukë e ndorme
atdheu është kapërdirja e nënës
kapërdirja o qiell i çarë
kur i shkon haberi për të birin e vetëm
se iu fal altarit të lirisë
është dhe eden
dhe arkivol është
për çdo ditë të zotit
