Paramendoni jetën në atdhe
ku duart e politikanëve të korruptuar janë të gjata
sa hijet e mëngjesit
Nëse nuk ndryshojnë gjërat
kjo do të thotë
se ne si popull nuk kemi nevojë për demokraci
por për një psikiatër të mirë
Mua më dhimbsen nënat tona
janë si zogjtë e plakur në kafazin e krahërorëve tanë
që për shkak të moshës
nuk kanë mundur të emigrojnë me tufën e vet
dhe tani janë të detyruara të hanë
nga duart e këtyre njerëzve
qofshin ata edhe kriminelë
