Poezi nga Rexhep Shahu
“Dhe nëse ndonjë ditë
të pyet ndokush për mua”
I thuaj se të desha shumë
sa mendimin, sa fjalën
sa lulja dritën, sa vesa lulen
sa loti syrin
sa buza buzën e puthjes
sa ëndrra krahët e përqafimit
sa udha hapat e hapat udhën
sa qielli zogjtë e sa zogjtë qiellin
sa deti brigjet e brigjet detin
sa unë ty që e di veç zoti sa të dua…
ObserverKult
Lexo edhe:
REXHEP SHAHU: KA DITË QË NUK E GJEJ VETEN NË SYTË E TU…
Lexo edhe:
REXHEP SHAHU: ZOT, RUAJE KËTË GRUA!
Zot
Ruaje këtë grua
këtë grua perëndi këtu para meje
që ma mbështjell fytyrën me dorën e ëndrrave
këtë grua me qeshjen prej dielli
me dritë hyjnore në sytë e saj.
Zot
Ruaje për mua këtë grua
që është zemra ime jashtë meje
kur nuk jam me të.
Nuk dua gjë tjetër prej teje zot
kjo grua është fillimi që s’ka fund kurrë
është ajo që më bën burrë
që mbledh në vete lakmitë e burrave
dhe nderimin e tyre pa cak
zilitë e grave që i japin shkëlqim dritës së saj…
Kjo grua është lufta e pambaruar kurrë dhe paqja
është zemra ime jashtë meje
që rreh e pulson në mua.
Zot
Ruaje për mua këtë grua
që më bën të ëndërroj.
ObserverKult
Lexo edhe:
