Ndoc Gjetja: Ka heshtje që na thonë gjëra të bukura…

Ndoc Gjetja poezi


Poezi nga Ndoc Gjetja

Ka heshtje që na thonë gjëra të bukura,
si për shembull fytyra e gruas
në orët e vona të natës
kur e pagjumë numëron me vete
ditët e fundit të barrës.

Ec e thuaj po munde këtë heshtje
ti, muzikant, me nota
ti, piktor, me ngjyra
apo ti poet me vjersha
dhe ti, aktore e famshme
me gjeste dhe fjalë !

Për ta thënë duhet të jesh
nje grua shtatzënë
domethënë
dyfish e gjallë.

ObserverKult


Lexo edhe:

NDOC GJETJA: MË NË FUND U PLAKËM GRUA…

Lexo edhe:

JETA E VËSHTIRË E POETIT TË MADH: NDOC GJETJA I DËSHPËRUAR DHE I BRAKTISUR…KUJTIMET E MIKUT

Dhe, duke pirë kafenë e biseduar, ndodhi ajo që Ndoc Gjetja më vonë do ta cilësonte si “mrekullia e madhe”. Nga fundi i humnerës të shkoje drejt ëndrrës! G. Kapllani e ftoi të shkonte në Greqi për të ndjekur një kurs gjashtëmujor për filozofinë e lashtë greke dhe qytetërimin helen pranë Universitetit të Athinës. Gazmendi ishte student në vitin e tretë në Fakultetin Filozofik të Athinës dhe ishte deleguar në Tiranë për të organizuar nisjen e 32 profesorëve shqiptarë të fakultetit të filozofisë që do të ndiqnin këtë kurs. Ai e ftoi Ndoc Gjetjen si një përjashtim, pasi, dihet, ai nuk ishte profesor filozofie dhe si i tillë nuk i plotësonte kriteret e pranimit. “Unë jam i bindur që ti do të pranohesh në kurs jashtë kritereve, sepse ti je më shumë se një profesor, ti je një poet…”, i tha Gazmendi.

Ai i kërkoi që t’i jepte shtatë vëllimet e tij poetike të botuara deri në atë kohë me qëllim që t’i dorëzonte në vend të kurrikulumit pranë Kryetarit të Komisionit dhe profesor Vodhurisi-it, i cili kishte qenë iniciator i kursit dhe i ftesës për profesorët shqiptarë, njëkohësisht dhe profesor i Gazmendit. Pas disa ditësh vërtet doli ajo që kishte parashikuar studenti shqiptar i filozofisë, një poet i talentuar e publicist kurajoz e vizionar.

Tekstin e plotë e gjeni KETU

ObserverKult