Poezi nga Warsan Shire
Vallë, për këtë jemi këtu?
Të ulemi në tavolinat e kuzhinës
duke numëruar
me gishta ata që vdiqën,
ata që u larguan,
ata, të tjerët, që u kapën nga policia,
nga dro ga
nga sëmundja
apo nga gra të tjera?
Nuk ka fare kuptim kjo.
Shih lëkurën tënde,
gojën e saj, këto buzë,
ata sy.
Oh, Zoti im, dëgjoje atë të qeshur!
E vetmja errësirë që duhet të lejojmë në jetën tonë është nata,
sepse edhe atëherë kemi hënën.
Ujdisi në shqip: Rielna Paja
ObserverKult
Lexo edhe:
WARSAN SHIRE: PËR GRATË TË CILAT JANË TË VËSHTIRA PËR T’I DASHURUAR
Ti je një kalë i vetmuar në kalërim
që ai përpiqet të të shtrojë
të krahëson me një autostradë të pakalueshme
me një shtëpi në flakë
të thotë që ti po e verbon
që ai nuk do mundet kurrë të të lerë
të të harrojë
që të dëshiron mbi gjithçka në botë
që ti e bën t’i vijë mëndja rrotull, që je e papërballueshme
çdo grua që para teje ka qënë dhe do vijë
është e përmbytur në emrin tënd
Poezinë e plotë mund ta lexoni KËTU:
SILVANA KOLA-LOKA: KËTO JANË KOHË TË VËSHTIRA PËR DASHURINË!
Nga: Silvana Kola-Loka
Gjithçka që prodhohet sot nga media (sidomos media sociale) ose e bën njeriun të dashurohet me një vete të rreme ose e nxit ta urrejë veten sepse nuk mund të jetë si standardet krejt joreale të shfaqura në ekran.
Ngado ta kthesh, në fund të ditës, individi nuk është veçse një qenie që ropatet të gjejë pak paqe në prani të vetes, por e gjen të pamundur në (thuajse) jermin që buron ose nga mbidashurimi me një vete që fshihet pas filtrave ose nga tëhuajsimi nga një vete e cila nuk do jetë kurrë mjaftueshëm e mirë për ta dashur!
ObserverKult
