(IAP me rastin e 25-vjetorit të themelimit)
Në Zyrën e Avokatit të Popullit,
nëpunësit shqetësohen, bie fjala,
për lirinë e lëvizjes së shpezëve me krahë
Mbërthyer vetëm në disa centimetra.
Shqetësohen për dhunën… për gratë e vrara,
dhe hartojnë shkresa plot pyetje të pikëlluara.
Avokati i Popullit shqetësohet edhe për Bjeshkët,
kur hëna copëton pllangat e kuqërremta
mbi trupat e prerë të drunjve.
Në Zyrën e Avokatit të Popullit
mund të adresosh ankesa, shqetësime.
Nëse je shkrimtar, nuk të tallin, as të përqeshin;
e nëse nuk je, mjafton të kesh një fantazi lirie,
dhe Avokati i Popullit të dëgjon me respekt.
Oh, ai i mban mend — i ka shumë të qarta
kohët kur Balzakun e rrahën vetëm për një pyetje
dhe e dënuan me dëbim nga shkolla
për një farë kohe.
Natyrisht, përmendësh e di pyetjen e tij,
sepse vetëm pyetjet zgjojnë botën e pafundme
nga gjumi i verbër i bindjes.
ObserverKult
Lexo edhe:
