(ose gjërat e bëra me duart e mia)
Unë
do bëj gjëra të pabëra
duke mos e pritur Godonë
gjersa të vijë nga pafundësia e kohës
e të na shpëtojë nga rrethi vicioz
ku e kërcejmë vallen e absurdit
si minj të dehur
gjithçka do ta bëj vetë
si engjëll rebel që ik nga duart e zotit
pa ia ditur as për blasfemi
e as për herezi
do bëj gjëra të pabesueshme
ensëh daashunit sëh botësë sanëh
aq sa di
dhe aq sa mundem
por me Godonë s‘dua të takohem kurrë
as ta njoh
si qenie të gjithësisë
e lërë më ta përshëndes
apo t’i duartrokas me turmën
Godoja
është vetëm emër me fytyrë gogoli
që zgërdhihet pas shpine
është perëndi
e krijuar nga njerëzit me tru laraske
është yll i zi
që ushqehet me gjakun e natës
është Shën Pjetër i tredhur
që të lë në baltën e ngrirë
e s’të nxjerr kurrë
kam një mijë e një arsye
të mos e pres Godonë
të vijë me kalin e rremendjes
e të zbresë si qenie prej ajri
a prej pluhuri
ndaj do bëj shumë gjëra të vogla
me të cilat mund ta bëj një botë e madhe
duke mos e pritur Godonë
as në gjumë
e as në ëndërr
Godoja
aq e pëshpëritur
edhe nëse vjen njëditëzaj
do të plasë nga pikëllimi
kur t’i shohë gjërat e bëra
me duart e mia.
