(ose kujtesë për thikën e ngulur në mes)
Ynëzot
bëje Shqiprinë t’i mbajë sytë
nga Kosova
dhe Kosovën t’i mbajë sytë
nga Shqipëria
e të kujtohen se janë një trup
i ndarë më dysh
e ta heqin thikën e vjetër që u rri
ngulur në mes
amin
ObserverKult
Lexo edhe:
DASHURIA PARA DHE PAS VDEKJES, POEZI NGA AHMET SELMANI
Dashuria para dhe pas vdekjes
(ose leximi më sytë e zemrës)
Nëse
bie në dashuri
para vdekjes
mos kujtoni se jam çmendur
është mall im i fshehur
si një larvë fluture
të cilin s’mund ta marr me vete
as ta frenoj
as ta flak tutje
Poezinë e plotë mund ta lexoni KËTU:
AHMET SELMANI: PASI U LARGUA… SEÇ MË KAPLOI NJË MALL PËRVËLUES PËR TË
PIKTURIMI I FLUTURËS nga Ahmet Selmani
(ose zëri i fjetur)
Teksa qëndroja kundruall pyllnajës së luleve, i mahnitur nga laryshia dhe bukuria e tyre, sa çel e mbyll sytë ia behu një flutur tmerrësisht e bukur duke u ndalur mbi fletëzat e gjera të njërës prej tyre. Gati më dehu me bukurinë e saj përrallore. Ishte aq e bukur, sa çdo lule e linte nën hije. Ndonëse aty nuk qëndroi gjatë për t’u ngopur duke e parë, mjaftoi edhe ajo kohë e shkurtër që unë të mbetesha si i gozhduar pa bëzajtur fare.
Pasi u largua tutje me fluturimin e saj engjëllor e magjik, seç më kaploi një mall përvëlues për të. Thjesht desha ta shihja edhe një herë bukurinë e saj. Duke pritur mos po vinte rishtazi, dikur i humba shpresat se mund të ndodhte një gjë e tillë. Ndaj më shkrepi në mendje ta pikturoja me ngjyra në pëlhurë.
Pasi u mora disa orë me radhë, më në fund arrita ta bëja fluturën gati të gjallë. Në këtë mënyrë ndjeva në shpirt një kënaqësi të paparë. Por, çuditërisht, krahas kësaj, njëherazi seç ndjeva edhe sikur diçka mungonte në pikturën time. Megjithatë, kjo ishte një mungesë e papërkufizueshme. Dhe zura të vramendem gjerë e gjatë se çfarë mund të ishte ajo gjë që i mungonte pikturës sime. I numëroja me radhë; trupin e fluturës, kokën, krahët, ngjyrat etj. Ndërkohë, malli për fluturën po më gërryente si me thonj. Por s’dija si ta shuaja atë?!
Tekstin e plotë mund ta lexoni KËTU:
ObserverKult
