Lejomë të jem ashti yt
dashurinë ta ndjej si e ndjen ti
ashtu thellë si një dhembje që therr
aq bukur
Zemra jote lejomë të jem
dashurinë bashkë ta shijojmë
brenda rrahjeve që shndërrohen në stuhi
e vetveten ta takoj, rrahjeve tua
strukur
Lejomë të jem shpirti yt
n’ trazime ndjenjash me e taku
butësinë
që veç një shpirt i mirë si i yti
di me ta dhanë
ëndrra jote lejomë të bahem
e bukur si një qiell ku zogjtë
me cicërima vizatojnë mirësinë
që zemrat e lumtura brenda
vetes mbajnë
Lejomë pra të jem lutja jote,
që Zotit ia drejton veç me zemër
pa pasë nevojë për pekule
a për shumë fjalë
Dashuria jote të jem lejomë sonte
e paanë sa universi, e ëndërrt
dhe e butë si një lutje
tempull dëshirash që e ndërtuam
bashkë
Lejomë të lutem sonte që të jem ti
si një dëshirë e përndezur
brinjëve të tua të rri…
