Poezi nga Anila Toto
Një ditë do të ikim edhe nga kjo botë
Pasi të kemi çliruar gjithë ç’mbajmë në shpirt
Gjysma e arsyeve që kemi luftuar është e kotë
Gjysma ishte thjesht një motiv.
Atëherë do të jemi mbushur plotësisht me rrudha
Por ndoshta do ta kemi çliruar tërësisht zemrën
Gjysma e dhimbjes ka qënë një shpresë për të fituar
Gjysma për të mos u ndjerë vetëm.
Do të përqafohemi ndoshta për herë të fundit
Atëherë do ta kemi çliruar edhe mendjen
Gjysma e lirisë për ëndrrën dhe trupin
Gjysma për t’u falur edhe të tjerëve…
ObserverKult
Lexo edhe:
ANILA TOTO: KUR MENDOVA SE E HUMBA…
Pas disa fjalësh pa rëndësi
mendova dhe heshta
dëshpërimisht edhe gjatë.
Në fund të fundit
burrat… janë burra!
U duhet pak hapësirë edhe fat.
Kështu,
kur mendova se e humba, e
nuk më hynte në sy gjithë njerëzimi.
Në fund,
ai u kthye në një burrë të vetmuar
që pohonte se ishte përjetësisht imi…
*Titulli i origjinalit: “Në fund”
