Nëse dëshironi të dini për jetën e dëshmorëve,
mos kërkoni nëpër libra,
aty s’është jeta e tyre, është jehona e saj.
Nëse dëshironi të dini si jetuan dëshmorët,
mos shkoni në shtëpitë e tyre,
shikoni robërinë tuaj.
Nëse dëshironi të dini me sa zjarr dashuruan dëshmorët,
mos ndiqni gjurmët e dashurisë së tyre,
ato janë flutura që s’kapen dot.
Nëse dëshironi të dini këngën e dëshmorëve,
mos thërrisni këngëtarin,
do të pendoheni nga tingujt e zbrazët.
Nëse dëshironi të dini amanetin e dëshmorëve,
mos pyesni kë kishin afër në çastin e fundit,
secili prej nesh ka qenë prezent.
Nëse dëshironi t’i nderoni dëshmorët,
mos shkoni te varret e tyre për të vendosur lule,
lulet do t’ju vyshken në dorë.
Nëse…
Çdo gjë që ju intereson të dini për dëshmorët,
ecni në rrugën e tyre,
aty do të gjeni gjeninë e tyre.
ObserverKult
Lexo edhe:
AMANETI I DËSHMORES: NUK DUA LULE, NUK DUA LOT…
Nuk dua lule,
as rapsodi bashkimi,
as perëndim ndarjesh.
Nuk dua lule
pse vetë jam lulja më e mirë.
Nuk dua puthje
nëse për të qenë e ndershme
u desh të mbahem pas një kalorësi
Poezinë e plotë e gjeni KETU
ObserverKult
Lexo edhe:
DONIKA DABISHEVCI: KLITHMA E USHTARIT T’PANJOHUN
Tung nga varrezat e dëshmorëve
klithi unë i ripagëzuari N.N.
mes njëqind e ca shokëve
unë anonimi i vrarë
me një kurorë mbi varr
askush nuk vjen të çmallet e derdh një pikë loti
(edhe pse lotët s’më duhen)
askush nuk lodhë kokën për rrasën time të kalbur
për dy shkronjat e mia (N.N.) gjysmë të fshira
nuk dua, por ende shoh nga ju
asnjë fije floku t’mos u mungojë
orgjive, ahengjeve
buzëqeshjet falso të mos u gurëzohen
unë i ripagëzuari N.N.
me vetëm një kurorë mbi varrin me bar
e me rrasë të kalbur
Kujdes- luftërave të ardhshme, mos më harroni!
1999
ObserverKult
