Do dal të mbledh kallo me grushta nëpër fusha,
siç mblidhja dikur manushaqe nër gëmusha.
Eja edhe ti!
Eja në agimin e fushës pa kufi!
Dielli si buldoz qiellor
shtyn me ngadalë errësirën e natës,
shtyn mjegullat dhe mjegullirën e ndajnatës
dhe hap në horizont brazdën e një dite të re,
pa re.
Eja ta nisim ditën së bashku me diellin!
Eja ta nisim ditën së bashku me mëngjesin!
Nxito të arrijmë ata që nxitojnë të arrijnë
trenat dhe kamionët e punës
Vish tutat, e dashur, dhe eja të dalim bashkë
në agimin e fushës.
ObserverKult
Lexo edhe:
BILALL XHAFERI: NATË ÇAME
Natë çame, poezi nga Billall Xhaferi
Ndali çapin kopeja e ulqve
Në errësirën e thinjur me flokë bore.
Ndali çapin pranë staneve të heshtura
Kopeja e egër e pyjeve çame.
S’dëgjohen të lehura, s’dëgjohen blegërima,
Nuk duken më zjarret ku dremitin çobenët.
Vetëm deti rreh bregdetin me dallgë pa pushuar,
Vetëm hëna porsi dele e ndarë nga kopeja
Nëpër shtigjet e reve baret e vetmuar.
Ndali çapin kopeja e ulqve
Dhe përgjon e uritur në errësirën thinjoshe.
Ku ini ju çobenë me gunat e bardha?
Ku i kini delet që blegërinin kullotave?
Ku i kini qiprat, ku këmborët si këmbana?
Ku i kini qent e staneve që ulurinin si luanë?
Murrot, balot, gudot – armiqtë tanë të vjetër?
Ku janë që t’u tregojnë me çatallet e hekurt
Se si në shesh të luftës luftohet për jetën?
Poezinë e plotë mund ta lexoni KËTU:
BILAL XHAFERI: EJA TRISHTIM
Eja, trishtim ,
eja me hapa fletësh qe bien nga degët,
eja me hapa shiu që këputet nga fletët…
Eja trishtim ,
eja me hapa tingujsh që dridhen në mbrëmje,
eja me hapa zemrash që rrahin me dhimbje…
Eja, trishtim,
o prehër i ëmbel që nuk më braktise kurrë,
o strehë e qetësisë sime,
Poezinë e plotë mund ta lexoni KËTU:
ObserverKult
