Dua me shkrua e mos me thanë kurgja
me folë e kurkush vesh mos me m’marrë
me vajtua sikur t’isha tue knua
me sha tue u lutë
me pa e kurgja mos me kqyrë
zani n’vesh me hi e mos me dalë
me pasë gojë pa ftyrë
me mbushë lugën kurgja e m’u ngi
barku m’u fry m’u shfry
n’gjumë me ra
pa u kqyrë n’pasqyrë
Me thanë dua si ata që folen mbramë
e gja s’thanë pos fjalë e fjalë e fjalë
e fjalëve t’veta u besuen
kur thanë Amerika na ka thanë
ju duhet vetëm me pa andërra tue fluturua
krahët mos t’thehen duheni me i ruejtë
çka duhet ba ne kemi me iu kallxua
kur t’iu kthjellohen trutë
Eh!
sa mirë asht me rrejtë e me t’besua
Kurrizi i Dardanisë, 19.06.2020
