“Do ta tradhtoj atdheun”, poezi nga shkrimtari sirian Muhammad Al Maghout

Ju ftojmë ta lexoni poezinë “Do ta tradhtoj atdheun” të shkrimtarit sirian, Muhammad Al Maghout!

Është marrëzi të mbrosh një vend, që nuk të siguron një shtëpi dhe kafshatën e përditshme.
Është marrëzi të sakrifikoj veten, e t’i lë fëmijët të bredhin rrugëve.
Është e turpshme që time shoqe, t’ua lë si pre qenve.
Atdhe është ai vend që të siguron dhe përmbush nevojat e jetës, jo shkaqet e vdekjes.
Përkatësia është një gënjeshtër e shpikur nga politikanët dhe pushtetarët,
me qëllim që të vdesim në mbrojtje të interesave të tyre.
Nuk besoj në idenë e vdekjes për hir të atdheut.
Atdheu nuk humb asnjëherë, ne humbasim gjithmonë.
Kur atdheu hyn në luftë, gjithmonë u bëjnë thirrje të varfërve që ta mbrojnë.
E kur përfundon lufta, u bëjnë thirrje pushtetarëve që të ndajnë plaçkën e luftës dhe postet.
Kur atdheu përfshihet në një luftë, vetëm gjokset e heronjve të varfër dhe të ndershëm
mbushen me plumba, kurse barku i zyrtarëve tradhtarë mbushet me para.
Kur atdheu sprovohet me luftë, vdesin ata që nuk e meritojnë vdekjen
dhe jetojnë ata që nuk meritojnë jetën.
Atdheu është një gënjeshtër, e shpikën dhe i caktuan kufinj imagjinarë,
ne e besuam.

Përktheu Elmaz Fida

ObserverKult

Lexo edhe:

AHMET SELMANI: NJERIU QË U BË GJARPËR