Donart Rexhbogaj: Me vdekë para teje…

Ti kurrë s’ke për t’i kuptuar dhimbjet e mia
Ato t’hajshmet, t’voglat, t’imtat
Sepse unë gjithmonë do të gënjej!

Ti kurrë s’ke për t’i parë dridhjet e mia
Ato t’shpejtat, t’ngadalshmet, t’vonuarat
Sepse unë do të vdes gjithmonë para teje!

Ti kurrë s’ke me dëgju zërin tim
Atë t’egrin, fëmijërorin, t’padëgjueshmin
Sepse unë gjithmonë do bëhem fjala jote!

Ti kurrë s’ke me njoftë moshën time
As vitet e mia pa ty
Të gjallët tim
As të vdekurit për ty!

Oh
Unë gjithmonë…
Ti kurrë…