sot
jam unë dhe hiri që jemi një
dhe bomba hidrogjenike e diellit kurdisur në paanësinë
dhe luzmimi i pranvertë i bletëve
dhe gjaku i kaltër lumëngrirë i pinguinëve perandorë
dhe varri çelur me lule të egra në gjoksin tim
dhe brenda tij ti
dhe pakuptimësia
dhe të gjallët dhe të vdekurit dhe të gjithë dhe gjithçka
në ditën sot ekziston
dhe je ti e vogla dhembjemadhja ime moirë
dhe universi i vogël i të madhit zot
sot
prandaj jam
