edhe n’kjoftë kjo udhë qi me trajtë zjarmi t’bjen
e çerdhen e dashnisë n’degën e mollës e djeg
edhe nëse prushin e shegtë të buzëve nuk ma fal
dil e shih
qysh gjurmët e hapave t’lanun në pluhnin e drumit
kam me t’i dasht
perëndi
ç’po flas përçart
kur e di
qi nxi e futue kam gjithçka
e tash
as me m’sha
nuk e meritoj
kthehu
n’paç zot
call me m’vra
pushkë t’hekurit
kapedane
ObserverKult
