Dashuri me puthje të parë
Me sy të mbyllur
Me zë të heshtur
Që merret vesh për bukuri me detin e një nate
Pa asnjë yll për be
Me nevojën per t’u zhveshur nga zanafillat
E ndrojtur sidoqoftë
Me duar të dridhura
Pa duar fare po të duash
Por e imja
Edhe nëse tremb lirinë tënde të padobishme
Për hir të lirisë sime që s’ merr frymë
Me dëshirë të prajshme
Pa i ardhur keq
Se edhe kjo quhet dashuri
ObserverKult
lexo edhe:
SAFET HYSENAJ: VRAMË ME PUTHJE…
Kur ti çelë buzët e nxjerrë një fjalë
Nga shkëlqimi i syve trupi më merr zjarrë
Sa ma kthen shpinën ndjej shumë mallë
Kur më ik nga sytë bëhem si i marrë
Pyes vetën, në ç’kohë linde vallë
Ç’tu deshta unë që më fute n’hall
Mos je gjarpër, ndërsa dukesh ngjalë
Më vrit me puthje mos më vrit me fjalë
Ata sy të qeshur dy liqej kaltërsishë
Flokët tua derdhur më bëjnë freski
Buzët ngjyrë shege derdhin ëmbëlsi
Nuk është mëkat t’të vdesë në gji
Nga qielli zbrite hijeshi e rrallë
Ma zure rrugën si me të bë ballë
Unë jam poeti, mos më sill vërdallë
Më mirë vramë me puthje mos më vrit me fjalë!
ObserverKult
