dashnia asht mësuese e rreptë
nuk ndalet
nuk jepet
pa ta mësu mësimin
e vet
herën e parë të mbjell si farën
ta mëson frikën e territ
dhimbjen e mbimjes
e magjinë e daljes në dritë
të re
herën e dytë të korr si grunin
të bluen në mulli
të mëson me u mbrujtë
e me mbrujtë bukën
e jetës
herën e tretë të shtron
në tavolinë
të mëson me hangër
me pi
e me qeshë
dashnia asht mësuese e mirë
e din se nxanësit nuk janë kurrë njësoj
disa piqen me herën e parë
e disa janë ende
në rresht
ObserverKult
Lexo edhe:
