Dora e hujë të krunë, po jo ku të kruhet! Lexoni 60 fjalë të urta shqiptare

Fjalë të urta shqipe për lirinë e dinjitetin:

1.Dora e huj të krun, po jo ku të kruhet./ KOSOVË

2.Ec me këmbë tueja e jo me mend e huaja./ SHKODËR

3.E di gjalmi ç’ka torba./ PËRMET

4.E di vetë gomari ku i vret samari./ JUG

5.Gunë e huaj s’të mban ngrohtë./ KOLONJË

6.Gjithkush teshat i lan në shtëpinë e vet./ VERI

7.Hallet e mia i di trari im./ ELBASAN

8.Hall me qè e hall me buaj, po më keq me qè të huaj./ MYZEQE

9.I zoti ia sheh plagën kalit, nën samar, se qiraxhiu, ngrihet e shkon./ KORÇË

10.Jeton bleta majë malit, jeton dhe miza nën bisht të kalit./ KORÇË

11.Kali i botës s’të nxjerr jashtë portës./ SARANDË

12.Kafshata e huaj të mbet në fyt./ SHKODËR

13.Këmba e di se ku e vret këpuca./ LUKOVË- SARANDË

14.Kur se mbajnë njëzet e katër tuejt, nuk e mbajnë as katërdhetë e tetë të huejt./ SHKODËR

15.Kur m’i punonin arat, u liga dhe u thava, kur i punova vet, u maha dhe u ringjalla./ JUG

16.Kur s’ka trimni, s’ka liri./ KOSOVË

17.Kush mba vesh botën, prish kokën./ GJIROKASTËR

18.Kush merr mendjen e botës, i sjell dëm kokës./ PËRMET

19.Kush s’lufton për liri, robërinë e ka në shpi./ KOSOVË

20,Kush unj qafën i bie zverkut./ JUG

21.Ku të ha, kruaje./ GJIROKASTËR

22.Leku i huj, peshon rëndë në xhep./ PUKË

23.Liria fitohet e nuk dhurohet./ JUG

24.Liria fitohet vetëm me gjak./ KOSOVË

25.Liria i ka rrënjët në gjak./ JUG

26.Liria nuk blehet me para e me tokë, po fitohet me gjak e me kokë./ KOSOVË

27.Lira vjen kur s’i duhesh vdekjes./ BERAT

28.Më mirë një ditë në liri, se njëqind vjet në robni./ KRUJË

29.Më mirë i lig e i lirë, sesa shëndoshë e me zinxhirë./ KRUJË

30.Më mirë nën hijes ne ferres sime, sesa nën hijen e fikut tonë./ KOSOVË

31.Më mirë një ditë gjel, sesa tre ditë pulë./ ELBASAN

32.Më mirë Sokol një herë, se sorrë gjithherë./ SHKODËR

33.Mashë e tjetrit mos u bëj./ JUG

34.Me dorën e tjetrit, mos vrafsh as gjarprin./ SHIJAK

35.Me duart e mija rrafa kokën time./ MYZEQE

36.Më mirë gomar, po tëndin, se kalë, po të botës./ LUKOVË

37.Më mirë nën dhè i mbuluar, se mbi dhè i gjynjëzuar./ SKRAPAR

38.Më mirë të vdesësh duke luftuar, sesa të rrosh i gjynjëzuar./ SKRAPAR

39.Më mirë të vdesësh në këmbë, sesa të jetosh në gjunjë./ BERAT

40.Më mirë zog e në liri, sesa bilbil e në kulvi./ KURVELESH

41.Mikun nderoje dhe vëre në qoshe, po zot shtëpie të jesh vetë./ JUG

42.Mish të ngordhur edhe egërsira nuk ha./ SKRAPAR

43.Mjer puna ime, qe se bani dora ime./ KAVAJË

44.Mos shko maz pas pele./ KOSOVË

45.Mos shko pas qerres së tjetrit./ SKRAPAR

46.Mos u ban mjaltë, se të han mizat./ SHKODËR

47.Nën hije as bari nuk ngren krye./ JUG

48.Një gjë që të merr dora, mos prit të ta japin./ JUG

49.Një punë që s’e bën vetë, mos kërko të gjesh të metë./ TIRANË

50.Për çdo punë, puth dorën tënde./ ELBASAN

51.Po nuk nderove veten, s’të nderon njeri./ VLORË

52.Pyet shtatë a tetë, e bëj si di vetë./ VLORË

53.Qafa e unjur, koka e prerë./ LUKOVË

54.Qëndro shtyllë e mos u bëj urë.’ KRUJË

55.Rrushi varet në degët e vet./ LUSHNJE

56.S’bëhet dasma pa thyer kupa./ ARBËRESHËT E ITALISË

57.Gjithsecili në punën e tij është zot./ JUG

58.S’mbahet shpirti me falimnders./ VERI

59.Syri i të zotit plehron arën./ JUG

60.Trimëria dhe liria janë si nanë e bijë./ KRUJË

ObserverKult


shqipërinë

Lexo edhe:

THËNIE PËR SHQIPËRINË: UNË DO TË RROJ DERI SA TA SHOH TË BUKUR TË DASHTUNËN SHQIPËRI….

ObserverKult ju sjell disa thënie të zgjedhura për Shqipërinë:

Edhe hâna do t’a dije, edhe dielli do t’ket pa, se përqark ksaj rrokullije, si Shqypnija vend nuk ka!/ GJERGJ FISHTA

Le të sulemi nën flamurin e kuq në flakë të luftës, që të na drithërohet trupi nga dehja e barutit, që të na ndizet shpirti nga zjarri i shenjtë i lirisë dhe le të vdesirn duke thirrur: “Rroftë Shqipëria“./ FAN NOLI

Thëniet e tjera mund ti lexoni KËTU:

ObserverKult