Giuseppe Ungaretti: O i hijshmi çast, kthemu sërish…

O i hijshmi çast, kthemu sërish.

Rini, thuamë një fjalë
Në këtë orë vorbullore.

O i ëmbli kujtim, prehu këtu një çast.

Orë e dritës së zezë ndër damarë
E gërvimave memece të pasqyrave,
E honeve të rreme të etjes…

Dhe nga hiri më i thellë e i pasy,
E bukura moshë do të zotohet:

Me hijeshinë e çapave të parë, kur
Dielli dheun e natës
Ta ketë fshikur
Dhe në freski tretur çdo kith,
Meit, tek ngrihet në qiell
Kurmin e hareshëm para teje do të shpalosë.

Përktheu: Aida Baro

*Titulli i origjinalit: “Do të shpalosë”