Poezi nga Gregory Corso
Si mund t’ju bind
Unë nuk jam njeri i keq
Askush nuk duhet të bindë askënd
për veten e vet
Ama ka diçka rreth meje
s’jam i sigurt që është bash për mua –
shikoj në pasqyrë
sy me sy
dhe nuk mund të shihja veten
unë gjithmonë kam qenë i turpshëm
turpërohesha për budallallëqet e tjetrit
nëse më jepnin ndonjë compliment
do t’ua ktheja me një buzëqeshje të dobët
unë thjesht nuk e njoh veten…ende –
Më pas ndodhi…nisa të njoh veten
Pija ma solli deri te unë
Një demon nëse ka pasur ndonjëherë –
Do të ngrihesha dhe do të përballesha me mijëra fytyra të çuditshme
dhe do të recitoja nga thellësitë një poezi të zhveshur
kur isha çakërrqejf guxoja të lexoja sall poezi që shkaktonin të qeshura
Nuk do të rrezikoja kurrë të lexoja ndonjë poezi nga nata e errët e shpirtit
Kështu që u bëra klloun…sa kam qarë për poezinë e dashur –
Përktheu: Fadil Bajraj
ObserverKult
Lexo edhe:
GREGORY CORSO: NATA E ERRËT E SHPIRTIT
nata e errët e shpirtit
shihet vetëm me sytë tu
Për të regjistruar pamjen në fjalë
që ndriçon gjithë errësirën
dhe kështu e bën të padurueshme gjendjen njerëzore
Asgjë nuk mund t’i thuhet njerëzimit
që ai tashmë nuk e di
…poeti thjesht ndriçon
diturinë në errësirën e të gjithë neve…
Poezinë e plotë e gjeni KËTU
