Kur një mik është në telashe, mos e pyet nëse mund të bësh ndonjë gjë për të…

buzeqesh

Edgar Watson Howe, ishte novelist dhe botues. Ai njihet sidomos për revistën e tij mujore E.W.Howe, duke nisur kështu për të shkruar në këtë revistë nga viti 1911 deri në vitin 1933.

Vlen të theksohet se Howe ka udhëtuar shumë dhe njihet për mprehtësinë e tij në editorialet që shkruante.

Howe ka filluar karrierën e tij si gazetar në mars të vitit 1837 si 19-vjeçar.

Ndryshe, Howe ka lindur me 3 maj të vitit 1853 në Wabash, në Amerikë ndërsa ka ndërruar jetë me 3 tetor të vitit 1937 në Atchison.  

ObserverKult ua sjell disa thënie të Edgar Watson Howe:

Një frikësim i mirë vlen për njeriun më shumë se një këshillë.

Gjërat që njerëzit flasin për ty pas shpine caktojnë vendin tënd në shoqëri.

Mos mendo se një njeri është gjithnjë aq i sjellshëm sa kur po të shet diçka.

Askush nuk do rrinte të të dëgjonte po të mos e dinte se pastaj e ka radhën ai.

Kur një mik është në telashe, mos e pyet nëse mund të bësh ndonjë gjë për të, por mendo ndonjë gjë të përshtatshme dhe bëje.

Mund të tallesh me një njeri që i pëlqen të diskutojë thjesht duke qenë dakort me të.

Asgjë nuk e lodh më shumë njeriun sesa të jetë mirënjohës gjatë gjithë kohës.

Nëse nuk mëson të qeshësh me problemet, nuk do të kesh se me çfarë të qeshësh kur të plakesh.

Kur je në telashe, ata që vijnë të të ngushëllojnë, në të vërtetë janë vetëm kureshtarë të dinë detajet.

Rruga për të dalë nga telashet nuk është kurrë aq e lehtë sa ajo për t’u futur në to.

Përgatiti.L.F-ObserverKult


Thënie nga Sylvester Stallone

Lexo edhe:

THËNIE NGA SYLVESTER STALLONE: DUHET T’I QËNDROSH PËRHERË BESNIK PERSONAVE QË TË KANË MBËSHTETUR…

ObserverKult ua sjell disa thënie nga Sylvester Stallone:

“Nuk jam personi më i pasur, më i zgjuar apo më i talentuar në botë, por unë korr suksese, sepse vazhdoj gjithmonë e më tepër përpara”.

“Ekziston një ligj natyral i karmës ku personat më hakmarrës, të cilët bëjnë gjithçka për t’i lënduar të tjerët, përfundojnë të lënduar e të vetmuar”.

Thëniet e tjera mund t’i lexoni KËTU:

ObserverKult