Poezi nga Migjeni
Valët muzikore fluturojnë nga përndimi
shkrepen e përtrihen
per murët e dhomës seme,
edhe mandej dridhen
mbrenda në zemër teme
dhe zgjojnë ndijesina që mbìu ka hini.
Ndijesitë e mija me valët muzikore
shkëmbejnë puthje të nxehta
posi dy dashnorë
e pa mshirë shëgjeta
më therë në kraharor
edhe më merr malli për jetë ma gazmore.
Malli rinuer për jetë ma shkumbuese
flen pa fat në mue,
një tingull përndimi
asht ngushllim për mue
kur më mshtjell mashtrimi
me melankoninë e vet aq trishtuese.
Tingujt miqëdashës, që në dhomën teme
më falin rytmin
e një dansi të largët,
më kujtojnë përqafimin
e çiftave të shkathët
që sjellen lirshëm nepër drrasa të gëdhenme.
ObserverKult
——————
Lexo edhe:
KADRI ROSHI: E MIRA NA MBULOHET NË VARR ME KOCKAT, E KEQJA MBAHET MEND!
