Injoranca dhe krenaria shkojnë bashkë, sa më budalla aq më krenar je!

krenaria

Krenaria përfshin kënaqësi të ngazëllyer dhe një ndjenjë të arritjes. Ajo lidhet me “sjelljet dhe rezultatet më pozitive në zonën ku individi është krenar” (Weiner, 1985).

Krenari konsiderohet një mendim i lartë ose i jashtëzakonshëm për dinjitetin, rëndësinë, meritën ose epërsinë e dikujt. Ndjenja e të qenit krenar i detyrohet vetes, pozitës ose karakterit të dikujt. Pra respekti për veten ose vetëvlerësimi.

Megjithatë studiuesit tregojnë se ajo mund të nxitet edhe nga vetëvlerësimi i dobët dhe turpi. Ndihemi aq keq me veten, aq sa këtë ndjenjë e kompensojmë duke u ndjerë superior. I kërkojmë të metat e të tjerëve, si një mënyrë për të fshehur të metat tona. Na pëlqen të kritikojmë të tjerët si një mbrojtje kundër njohjes së mangësive tona.

Ata gjithashtu dallojnë tre lloje të krenarisë: dinjiteti, epërsia dhe arroganca. Nga këto veçohen përbërësit e tyre mendorë dhe prezantohen dy studime eksperimentale që tregojnë se ato përcillen me kombinime të ndryshme të buzëqeshjes, pozicionit të vetullave dhe qepallave dhe qëndrimit të kokës.

Nga kjo rezulton se krenaria ndryshon komunikimin dhe lidhjen. Kur e vendosni veten në një piedestal, e bën të vështirë për këdo që t’ju afrohet. Aftësia juaj për të qenë të pambrojtur, e cila është mënyra kryesore për të treguar besim tek njëri-tjetri, do të rrezikohet. Pra krenaria dhe dobësia nuk mund të bashkëjetojnë.

Në vazhdim ObserverKult ua sjell disa thënie nga autorë të ndryshëm mbi krenarinë:

-Për një shpirt kryelartë është më e thjeshtë të bëjë hajdutin se lypësin. /Thomas More

-Krenaria është opinioni që kemi për vetveten, ndërsa mendjemadhësia është çfarë duam që të tjerët të mendojnë për ne. /Jane Austen

-Mendjemadhësia, pothuajse gjithmobë, ka edhe një shoqe akoma më të keqe që e shoqëron: smira. /Alexandre Dumas

-Ne më shumë jemi krenarë kur jemi vetëm.— Volteri

-Mendjemadhësia asgjëson çdo gjë. /Nënë Tereza

-Modestia është forma më ofenduese e kryelartësisë. /Giovanni Papini

-Njeriu mendjemadh, zakonisht është krenar për gjëra të gabuara. /Henry Ford

-Injoranca dhe krenaria zakonisht shkojnë bashkë, si shtati e hija./ Gjergj Fishta

-Më largo o Zot, nga urtia që nuk qan, nga filozofia që nuk qesh dhe nga krenaria që nuk gjunjëzohet para një fëmije. /Khalil Gibran

-Dinjiteti ka një lidhje tepër intime me krenarinë për të pasur mardhënie jashtëmartesore me të. /Melle Luzy

-Më shumë se interesi është krenaria që na ndan./ Auguste Comte

-Njerëzit krenar nuk e durojnë dot krenarinë e tjetrit. /Thomas Fuller

Përgatitit B.L/ ObserverKult

Lexo edhe:

MOS U BË KOPJE E KEQE E DIKUJT TJETËR, RRI ORIGJINAL!