Titulli iu akordua nga Qeveria Shqiptare për punën e palodhur që ajo bën në këtë drejtim.
Ambasadori Ilirian Kuka zhvilloi një takim me drejtues të katedrës dhe studentë të cilët mësojnë gjuhën shqipe në Universitetin e Karlit, në Pragë. Diskutuan për mundësitë e përhapjes së mëtejshme të gjugës shqipe dhe aktivitete që janë me interes për studentët e Universitetit.
Gjatë takimit, Ambasadori i përgëzoi ata për punën e vazhdueshme që bëjnë për mësimin dhe përhapjen e gjuhës shqipe duke i ofruar impenjimin maksimal personal dhe të ambasadës për të zgjidhur ç’do problematikë që mund të hasin.
Gjatë takimit Ambasadori i dorëzoi titullin Ambasadore e Kombit znj. Orkida Backus Borshi, profesoreshë e gjuhës shqipe në Universitetin e Karlit. Titulli iu akordua nga Qeveria Shqiptare për punën e palodhur që ajo bën në këtë drejtim.
Dr. Orkida Backus Borshi njihet edhe për përkthimet në gjuhën çeke të autorëve shqiptarë, Ismail Kadare dhe Ag Apolloni.
ObserverKult
Lexo edhe:
GJUHA SHQIPE NË UNIVERSITETIN E KARLIT NË ÇEKI
Dr.Orkida Borshi profesore e gjuhës shqipe në Universitetin e Karlit në Pragë, Çeki, në një rrëfim dhënë gazetarit Sokol Paja për gazetën Dielli organ i Federatës Panshqiptare të Amerikës Vatra në New York, rrëfen historinë e gjuhës shqipe në Universitetin e Karlit në Pragë si i vetmi universitet i cili ofron studime të gjuhës shqipe në të tërë Çekinë dhe Sllovakinë, dhe një nga arsyet që vendasit kanë fillluar të interesohen për shqipen 5-6 vitet e fundit që është në lidhje me turizmin në Shqipëri dhe Kosovë.
Programi, akreditimin e të cilit e kam hartuar unë dhe jam garante njëkohësisht, është në fuqi nga viti akademik 2011-2012. Shqipja konsiderohet si specializim më vete dhe është e barabartë me gjuhët e tjera të Ballkanit si rumanishten, serbishten, kroatishten, sllovenishten, bullgarishten dhe greqishten.
Tekstin e plotë mund ta lexoni KËTU
