sa du me t‘pâ qysh t’rri plakja
se mua vetja durësh m‘dul
âsht nji stinë
që se kursen as vetën
ftyrës teme mollëzat ia vul
du me t’i ni zojtë e mendimit untë mas kokrrave t’synit
kah shkunen gëzimi tuj fluturu
e ngatërrojnë stinën
e kthehen dimnit
jam mësu me fjetë
si pema n‘kâm‘
me fyrmë â zâ
tuj prit me m’prekë
sikur plaqnar me kuvendu
â reni bashkë me dekë
edhe tjera netë
kanë me u zbardhë n’pritje
tjerë s’i ti e unë
n’ardhje ikje
edhe atëhere
kur gjâ e jona
mâ s‘jet
kanë me u dashtë zojtë
e me kâjtë strehtë
ObserverKult
Lexo edhe:
Trishtimi i plakut që mbet pa djalë
Ecka Xheka plak shpatit përpjetë
kom mas kome
tuj ia njeh gjyksit ofshamë mas ofshame
tu i bo shuk topat e borës
tu e kqyrë katunin si n’shuplakë t’dorës
e vjerr shikimin n’degë t’qurshisë
ia shihka veç kulmin shpisë
edhe do shoka t’holla tym oxhakut
zunën lotë sytë e plakut
nis kujton rininë bashkë me Kumrinë
kallxo Kumri çka fsheh n’pal’ t’pshtjellakut
kallxoj Xhekës se je tuj thurrë shputa
për komë t’vogla t’buta
lej fjaltë e hallkut po ruju mos t’ngulen shtizat barkut
fort u mallëngjy
tu i zon gujtë përfuni
ungjet mbi kom t’veta
katërdhjetë vjet temas
e shpurth kujtesën
kur e pritke lejlekun
me zon strofull mi plepin
qe ia kish pas mjell baba ktij kur ka le
e qi s’pshtoj pa u pre
s’mlidhen arat si cepat e shamisë
as mali s’i floktë e Kumrisë
thuje Xhekë leje amanetin
me t’shti n’dhe ner qurshi
mos shko i hjekun ner t’dekun
Veç gru
Fjet mali me hanën mbi kry
e s‘u dogj
krahëve me qindra zogj
edhe mu nji andërr sa t‘zitë n‘thu…
Ciklin e plotë të poezive e gjeni KËTU
