Rainer Maria Rilke: Nga fjalët e njerëzve trembem aq shumë

rainer maria rilke

Qartazi flasin që të gjithë:
Ky quhet qen dhe ajo shtëpi,
Dhe këtu është fillimi, atje mbarimi.

Mua më tmerron dukshëm kuptimi, loja e tyre me qesëndinë,
Ato dinë gjithçka, si ka qenë dhe si do të bëhet ndonjë gjë;
Asnjë mal nuk është më magjepsës se ato;
Me hyjnoren kufizohet kopshti, sinuri i tyre madhështor.

Dua gjithmonë të mbrohem dhe t’ju paralajmëroj: Qëndroni larg!
Gjësendet teksa këndojnë, me ëndje i dëgjoj.
Ju i trazoni ato: janë të topitura dhe të heshtura varr.
Kurse ju, seç m’i vrisni gjëmshëm ato.

Përktheu: Arbër Çeliku

ObserverKult


rainer maria rilke

Lexo edhe:

RAINER MARIA RILKE: KATËR KËSHILLA PËR POETËT E RINJ

Në vitin 1903, duke këshilluar një poet të ri, Rainer Maria Rilke shkroi monumentin e  filozofisë, një manual shpirtëror. Një manual që mund të na drejtojë në rrugën e të shkruarit dhe të ekzistencës. Poeti i famshëm Rilke ishte vetëm 28-vjeç kur filloi t’i përgjigjej Franz Kappus, 17-vjeçar, një poet aspirues dhe kadet në shkollën ushtarake, nga e cila Rilke kishte dezertuar disa vite më parë. Rilke i dërgoi dhjetë letra në harkun kohor prej pesë vjetësh nga Parisi, ku ai ishte sekretar i Rodinit, nga Suedia, Roma, nga rrethinat e Bremenit, ku ai nuk reshti së shkruari. Dhjetë traktate të vogla për filozofinë praktike, dhjetë meditime për vetminë, dashurinë, krijimin.

Përballë ngulmimit të Rilkes, djaloshi Kappus përfundimisht do të zgjedhë karrierën ushtarake. Por, mirënjohës karshi mjeshtrit të ri, ai i botoi mësimet e tij të çmuara në vitin 1929. Dhjetë letrat e Rilkes njohën një sukses të jashtëzakonshëm e të menjëhershëm në mbarë botën. Edhe në ditët e sotme, ato vijojnë të mbeten më të njohura se poezitë e autorit dhe do të mbeten një udhëzues shpirtëror se si të jetojmë, nga të cilat duhet të mbajmë mend të paktën katër mësime.

Tekstin e plotë mund ta lexoni KËTU:

ObserverKult