Ka 120 mijë fjalë, përfshin edhe dialektet…
Puna 4-vjeçare për fjalorin e Gjuhës Shqipe ka përfunduar. Qytetarët do të kenë mundësinë që nga fillimi i vitit 2025 të kenë edhe në versionin e shtypur, fjalorin e madh.
“Shkon përtej standardit, fusim fjalë dialektore që do fitojnë të drejtën e qytetarisë”, thotë zëvendëskryeredaktori i fjalorit të Gjuhës Shqipe, Shezai Rrokaj.
Akademikët dhe gjuhëtarët kanë vendosur që fillimisht ta publikojnë atë online në fund të nëntorit.
Fjalori online së pari do të jetë në përdorim për arsimtarët, dhe një grup institucionesh të caktuara që kanë tagerin për të adresuar ato që i gjejnë për t’u korrigjuar në këtë projekt.
“Kemi zgjedhur ta bëjmë kështu si një filtër final, para publikimit në fillim të vitit”, vijon Rrokaj.
Janë studentët dhe mësuesit ata që e vlerësojnë më së shumti publikimin online të fjalorit të madh të Gjuhës Shqipe, si një formë më praktike e përdorimit të tij.
Fjalori do të ketë rreth 120 mijë fjalë dhe do të bëhet i katërti fjalor i madh i Gjuhës Shqipe./klantv
ObserverKult
Lexo edhe:
FJALORI I KODUAR QË PËRDORTE ABDYL FRASHËRI, KUSH E DESHIFROI…
