“s’di pse Shkupi më dhemb në shpirt”
më pat’ thënë njëherë aliu
dhe qau burrërisht
e iku i vranët kah bregu
pa më treguar
pse i ka ndërruar rrjedha vardarit
po pse s’e thua një fjalë
bre lum miku
ti
lumit ia ke falur lumin e shpirtit
tevona
burri i botës si të ishte qiell i çarë 12 copësh
lëshoi një bubullimë
kot bie ky shi
kot
valët vardarit ende i kullojnë kuq
me dorë largoi një re të murrme qielli
që i rrinte mbi thinja
si i bëhet dhimbjes
o zot
si
pa shkupin
nuk bëhet veçse
shpirtdhembjemadhja
një gjysmëshqipëri
dhe bashkë me kokrrat e shiut
shkoi e u bë dri
i podrimsi.
ObserverKult
Lexo edhe:
