Arixhofkës , poezi nga Jorgji Papadhopulos
I thashë një arixhofke
dua të bëhem arixhi
dhe të të marr.
A mundesh, më thotë, të hash për darkë
barishte të hidhura pa kripë
dhe paskëtaj të biesh e të flesh?
Mundem, i them.
Mundesh, më thotë, të shtrihesh
pa u ankuar nga të ftohtit
mbi baltën e ngrirë?
Mundem, i them.
Mundesh, më thotë, mbi atë baltë
flakën të vesh mbi trupin Tim
dhe ta shndërrosh atë në hi?
Këtë e bëj fare kollaj, i them.
Mundesh, më thotë, që hirin tim
t’ ja hedhësh verës tënde
dhe pasi të bëhesh tapë të më harrosh?
Jo, këtë s’ mundem ta bëj, i them.
As arixhi nuk bëhesh dot, ma kthen.
Shqipëroi: Arqile Garo
ObserverKult
Lexo edhe: