Unë nuk të kam dashur kurrë më shumë, ma soeur
Se kur u ndava prej teje atë buzëmbrëmje.
Pylli më kapërdiu mua, pylli blu, ma soeur
Pylli blu dhe sipër tij yjet në anën e perëndimit.
Unë nuk qesha, aspak nuk qesha, ma soeur
Teksa drejt fatit të errët ecja lojazi –
Teksa fytyrat prapa meje tashmë
Ngadalë u venitën në muzgun e pyllit blu.
Gjithçka ishte mrekulli atë natë, ma soeur
As atëherë, as dhe më vonë, kurrë më –
E pranoj: s’më kish mbetur asgjë përveç zogjtë e mëdhenj
Dhe britmat e tyre të uritura në qiellin e mugët të mbrëmjes.
Në shqip: Skënder Buçpapaj
ObserverKult
Lexo edhe:
BERTOLT BRECHT: KUR DESHA PRAPË TA SHOH…
Poezi nga Bertolt Brecht
Në atë ditë të muajit blu shtator,
Nën atë peme kumbulle të re,
E mbaja atë, të zbehtën dashuri, të qetë,
Në krahët e mi si ëndërr plot hare.
Dhe sipër nesh, n’atë qiell të bukur vere
Qëndroi një re, që e pashë gjatë atje,
E bardhë, e bardhë ish, dhe tepër lart ish ngritur
Kur desha prapë ta shoh, në atë vend më s’qe.
Prej asaj dite shumë e shumë muaj
Kaluan e u shuan s’di se si.
Dhe vetë kumbulla do jetë prerë,
E po më pyete ç’u bë kjo dashuri?
Ja ku të them: Tani nuk më kujtohet,
E di, megjithatë, ç’mendon dhe ti qyshkur,
Po unë fytyrën vërtet e kam harruar,
Veç një gjë di: E putha atë dikur.
Poezinë e plotë mund ta lexoni KËTU:
BERTOLT BRECHT: GJENERAL, TANKU YT ËSHTË NJË MJET I RËNDË
Gjeneral, tanku yt është një mjet i rëndë
Ai e bën copa malin dhe shtyp qindra njerëz.
Por, ka një të metë:
I duhet një shofer që ta vozisë.
Gjeneral, aeroplani yt bombardues është i fuqishëm.
Ai fluturon më shpejt se stuhia dhe ngarkohet më shumë se një elefant
Por, ka një të metë:
I duhet një montazher ta bëjë gati.
Poezinë e plotë mund ta lexoni KËTU:
ObserverKult
