është gjithmonë dikush o diçka
që të pret,
diçka më e fortë, më inteligjente,
më shtrigë, më rezistuese,
më e ëmbël, më e dhjamur,
më e madhe, më e vogël,
diçka më me sy tigri e fajkoi e peshkaqeni,
diçka më e çmendur se çmenduria,
më dinake se dinakëria,
është gjithmonë dikush o diçka:
që të pret,
ndërsa mbath këpucët
o fle
o merr koshin e plehrave
o përkëdhel maçokun
o lan dhëmbët
o feston
është gjithmonë dikush o diçka
që të pret.
ngule mirë në mendje
kështu kur të ndodhë
të jesh sa më i gatshëm.
ndërkohë, ditë të mirë
ty
në qoftë se je ende.
unë mendoj se jam,
sapo më janë djegur gishtat
me cigaren e
kushedisatë.
Në shqip nga: Skënder Buçpapaj
ObserverKult
Lexo edhe:
CHARLES BUKOWSKI: HESHT… SIKUR TË KETË NDODHUR NJË TRADHTI
makina e shkrimit hesht, sikur
të ketë ndodhur një tradhti, sikur të ketë ndodhur një
vrasje.
të vetmet fjalë që ende përshkojne trutë e mi;
“zogjtë e Spanjës këndojnë!”
ç’kuptim ka kjo
ç’kuptim?
është thjesht një kotnajë, në qoftë se nuk të hyn në punë.
kur do të bien
tastat
mbi letër
përsëri?
është më lehtë të vdesësh përpara se kjo
të ndodhë.
vështroj makinën e shkrimit nën një mbulesë
të zezë; një fature gazi e papaguar fle
mbi të.
është një frigorifer i vogël në
dhomë, i vetmi që bën zhurmë
këtu.
Poezinë e plotë mund ta lexoni KËTU:
ObserverKult
