Kryeministri i Shqipërisë, Edi Rama, ka zgjedhur të ftojë në episodin e tij të radhës në Podcast, këngëtaren e mirënjohur Elhaida Danin.
Rama gjithashtu ka bërë me dije se të dielën, më 28 maj do të vijë për herë të parë në Shqipëri, spektakli më i shikuar në Evropë “Notre-Dame De Paris”.
Rama thotë se ky moment ishte shumë i mirëpritur dhe me vullnetin dhe këmbënguljen më në fund spektakli do të vijë në Air Albania Stadium në Tiranë së bashku me këngëtaren, Elhaida Danin.
“Notre –Dame De Paris, spektakli më i shikuar në Evropë, me rekorde Guinnes për numrin e ndjekësve të tij, që prej 25 vjetësh vazhdon mbush plot arenat dhe kërkohet nga të gjitha moshat e kategoritë sociale, vjen të dielën më 28 maj në Air Albania Stadium në Tiranë, bashkë me yllin shqiptar, Elhaida Dani”- shkroi Rama.
Ndërkohë, në videon e publikuar nga kryeministri, këngëtarja thotë se Shqipëria e meriton të jetë pjesë e vendeve ku ky spektakël mbush arenat.
Ky spektakël kërkohet nga të gjitha moshat dhe kategoritë sociale.
Notre-Dame de Paris është një muzikal francez i kënduar i cili debutoi më 16 shtator 1998 në Paris.
Ai bazohet në romanin Notre-Dame de Paris (i njohur në anglisht si The Hunchback of Notre-Dame) nga romancieri francez Victor Hugo.
Notre-Dame de Paris, sipas Librit të Rekordeve Guinness, pati vitin e parë më të suksesshëm nga çdo muzikal ndonjëherë. /shqiptarja.com
ObserverKult
Lexo edhe:
ELHAIDA DANI FLET PËR ‘DËSHTIMIN E PARË’
Elhaida Dani për një kohë të gjatë ka qëndruar larg vëmendjes mediatike. Ndërsa së fundmi ka dhënë një intervistë të gjatë për emisionin “Soiree”.
Këngëtarja e njohur që ka përfaqësuar edhe Shqipërinë në “Eurovision”, foli gjatë për karrierën e saj muzikore.
Ajo u ndal në momentet më të rëndësishme për të rikujtuar edhe njëherë ato emocione që padyshim kanë shënjuar në jetën e saj.
Njihet si vajza e fitoreve, e cila kudo shkel rrëmben gjithmonë çmimin e parë. Por Elhaida tregoi se edhe ka humbur në fillimet e saj. E sigurisht nuk e ka përjetuar aspak mirë këtë.
Tekstin e plotë mund ta lexoni KËTU:
ObserverKult
Lexo edhe:
NAZIM HIKMET: VAJZË E VOGËL NGA HIROSHIMA
Hapmani derën, jam unë…
trokas në derën e të gjitha shkallëve
por askush s’më sheh
sepse fëmijët e vdekur, askush s’arrin t’i shohë.
Jam nga Hiroshima dhe atje kam vdekur
shumë vite më parë. Shumë vite do të kalojnë.
Isha shtatë vjeçe, atëherë: edhe tani jam po aq,
sepse fëmijët e vdekur nuk bëhen të mëdhenj.
Kisha flokët të shndritshëm, zjarri m’i përzhiti,
Kisha sy të bukur, të kthjellët, zjarri m’i qelqoi.
Një grusht hi, kjo jam unë tani
sepse hirin pastaj e shpërndau era.
Hapmani derën; ju lutem, jo për mua
Sepse mua nuk më duhet më as bukë as oriz:
nuk kërkoj më as edhe sheqer:
një fëmije të djegur si një gjethe e thatë s’i duhet më.
Ju lutemi më vini një firmë këtu,
ju lutem ju njerëzve të gjithë botës;
firmosni, ju lutem, që zjarri të mos djegë fëmijët
dhe të mund të hanë gjithmonë sheqer.
Në shqip: Faslli Haliti
