e di se nji ditë ke me ikë
nji t’haneje besoj
call me ma mbush krejt javën me bujashka malli
me m’braktis
si ulkoja klyshin kur xen m’u rrit
rruza prej terri n’pe t’zi kanë m’u rrokullisun ditët
ka me ardhë tjetra javë
e tjetra pastaj
e tjetra
*
mbas ikes
n’kjoftë se me dikend tjetër kafe pjek
n’mangallin e dashnisë
edhe kurrë n’mos u kthefsh
në hinin e bujashkave kam me rue nji gacë
me mshef
e di se ke m’u kthye
nji t’djelle kur javës jeta i soset
në ditën me ngjyra vjeshtet besoj
kur rremash t’pikin ftojt’
prej ftyrës t’dylltë gacës me ia fry hinin
me gishta bore
gjakngrimun
si kurrgja me ia mshelë sytë e mallshëm
siç kapaku i mermertë i sarkofagut
mijëvjeçarët ka mbyllun
*
e di
kur mbi kulumrinë e vorrit
sorrshkinat t’xajnë me këndue
ke m’u kthye
në ditën e lutjeve noshta
noshta në nji tjetër ditë
s’ka randësi a ka me ken e hane
njikëtë poezi me ngjallë me lot’
dritë me i dhanë me frymën t’ande
dritë
kapedane
ObserverKult
Lexo edhe:
EMIN Z. EMINI: NE IDHNOHEMI SHPESH NDËRMJET VEDI…
ne idhnohemi shpesh ndërmjet vedi
s’flasim
s’shihemi
s’pimë kafe bashkë
betohemi në tokë e qellë
ky asht fundi
ndamas numërojmë sekondat me ritmin e frymëxanies
nga dy suka kqyrim orët tek ecin me karrocë paraplegjikësh
ditët tue kapërcyemun zhag vigun e shekujve
mijëveçarët qi bahen pshtymë oxhaku prej gacave t’mallit
dhe pajtohemi prapë
Poezinë e plotë mund ta lexoni KËTU:
CIKËL POETIK NGA EMIN Z. EMINI: VESHUN ME FUSTAN DJELLI
Ju ftojmë të lexoni një cikël poezish të Emin Z. Eminit, shkëputur nga libri i tij i fundit me poezi “Fjalë të bukëta”, Littera, 2022
VESHUN ME FUSTAN DJELLI
qjella eme
edhe hana u cokat n’drapën
në t’korrna të kallamoqit
mbas mesnat’s
andërr e preme re n’gropë t’oxhakut
të shpirtit t’em të mërdhimë
e erdhe e u dheze e u dogje
përreth verigut bollë prej tymnaje
u mb’shtolle
u çove
me rreptimë u ngjite
udhë qjellnash more
Poezitë mund ti lexoni KËTU:
ObserverKult
