Poezi nga John Yamrus
është përfshirë në
antologji të panumërta.
ai ka marrë bursa
dhe grante.
ai është i njohur si aktivist
dhe socialist.
ai aktualisht është duke botuar
një poemë goxha të gjatë
që do t’i ketë disa vëllime,
plot me referenca misterioze dhe të errëta.
të paktën një herë në muaj
citon Eskilin
dhe Pindarin.
ka botuar disa vëlime të bisedave dhe
eseve.
e luan për merak
këtë lojë.
gjithmonë është i sigurt të shtrëngojë
dorën e duhur.
ai po ashtu
kurrë s’ka pasur thua të thyer
dhe qeni i tij kurrë nuk ka vjellë në qilim.
faturat i paguan gjithmonë
s’ka bërë vaki
ta ketë humbur
ndonjë vakt buke.
çorapet gjithmonë i ka çift,
flokët gjithmonë të krehura
kurrë nuk ka bërë ndonjë gomarllëk
para familjes apo miqve.
edhe
poezia e tij
e dëshmon një gjë të tillë.
në të nuk ka shpirt,
nuk ka ko qe.
është krejt boshe…
sall muhabet.
kur të vdesë ai,
akademikë të tjerë
do të diskutojnë për jetën e tij
dhe do t’ia analizojnë librat.
njerëzit do ta harrojnë.
kurse akademikë të tjerë
do t’ia zënë vendin.
dhe të tjerët
së shpejti do t’ua vendin zënë atyre.
kam frikë
se gjithmonë do të ketë
akademikë,
të buzëqeshur, me besim në vete
dhe të sigurt.
dhe kjo
është vetëm edhe
një arsye më shumë
se përse ju
absolutisht keni nevojë
për
dikë
si
unë.
Përktheu: Fadil Bajraj
—————–
Lexo edhe:
GARY SNYDER: PARAJA SHKON KUNDËR RRYMËS
Po i dëgjoj njerëzit duke folur për arsyen
Vetëdijen më të lartë, subkoshiencën,
duke shikuar audiencën
nëpër derën anësore
ku përcëllima e diellit bllokon
një ngastër me bar ngjyrë tanini dhe shkurre gjembaçe
Ka njerëz që bëjnë biznes brenda ligjit.
Dhe të tjerët, të cilët e duan shpejtësinë, rrezikun,
Marifetet, që dinë si t’ia heqin
Flamën dikujt, të fitojnë pasuri fantastike..
POEZINË E PLOTË E GJENI KËTU
