Ku ta di zemra se gjer kur do të më rrahë si dikur…

Nga Luis Fyrnberg

Ku ta di zemrën se gjer kur
do të më rrahë si dikur
sapo lauresha zë këndon
Ku ta di unë se gjer kur?

Ku ta di zemrën se gjer kur,
me gurgullimat si dikur
do prekë zemrën që dëgjon?
Ku ta di unë se gjer kur?

Ku ta di zemrën se gjer kur
do me gufojë si dikur
tek në të ardhmen larg shikon –
Ku ta di unë se gjer kur?

Shpesh jam i lodhur e dyshoj
dhe pyes veten bërë gur:
Gjer kur do mundem të këndoj?
Deri kur, vallë, deri kur?

Atëherë dorën të kërkoj,
E gjej, e prek, e shtrëngoj flur
Dhe përsëri buron nga ti
Gjith’ kënga ime si dikur.


Përktheu: Petraq Kolevica

ObserverKult

Kliko edhe:

LIBRI ME POEZI I DONIKA DABISHEVCIT BOTOHET NË ÇEKI/ POEZITË FLASIN NË ESPERANTO