(Në një variant të ri)
Pres të më lajmërohet
a këtu brenda e kam
anise nuk e shoh
vetëm e ndiej se si pulson
me ritmet e zemrës
O Zot seç më drithëron
Ma vë para syve ta shoh
ta prekë
mes buzëve të saja të pushoj
gjatë gjatë e pambarim
Prej që e kam njohur
shushurimën e hapave të saj
jam duke i pritur
Vonesa më jep shpresë
Përderisa ka udhë
do t’ketë dhe ecje ardhje e shkuarje
Vetëm orë që e mat kohën e pritjes
nuk po shoh e nuk po gjej
përveç zemrës
Si dritën
si ujin e bukën e kripën
të trokiturën a zërin e saj pres
për ta përmbyllur me dashuri
këtë torturë të dridhshme ndjenjash
që nuk më gjunjëzon
pa ma marrë frymën
(4 gusht 2023)
ObserverKult
Lexo edhe:
SABIT RRUSTEMI: EJA, MOS MBAJ MËRI…
Shiu t’i ka larë flokët deri në rrënjë
e unë nuk t’ i kam parë
as shtrydhur e tharë
Ti je trembur përpak
në një gjethnajë diku je strukur
ke ndjerë dhe të ftohtë
Jam vonuar shumë për t’ marrë në gji, unë
për të falë pak ngrohtësi
Larg trete tash nuk e di as ku rri
apo në më ke fshehur dhe mua
aty diku për bri
Ngritem drejt skajit tek ai ftohës
që frigshëm rri n’ terr
diçka të lëngshme që m’ kthejll kërkoj
Një gotë me vetmi
shfaqet para syve të mi
e zemra nuk thotë: pi …
Dritaren e dhomës hap
në mos ke ardhur si puhizë
a rreze e ndrojtur hëne
Kopshtin e ka përpirë nata
si shikimin tim flokët tua të gjata
Krejt më duken të zeza
edhe pishat gjelbroshe edhe ai bli
asgjë e bardhë nuk duket pa ty
Tekstin e plotë mund ta lexoni KËTU:
ObserverKult
