Dashuria, im zot, Dashuria…
Sot m’u shfaq Perëndesha e Mjegullës:
i dukeshin vetëm sytë dhe majat e gjinjve
Dhe një bistak rrushi shkëputur prej pjergullës
lëngëzonte mes dritës dhe hijeve
Dy sytë dhe majat e gjinjve…
Sot m’u shfaq Perëndesha e Mjegullës:
i dukeshin dy buzë dhe dy kupat e gjinjve
Dhe një yll i vogël pikuar prej ëndrrës
ia falte trupit floririn e kallinjve.
Dy buzë dhe dy kupat e gjinjve…
Dy sy, dy buzë, dy gjinj, rrush dhe kallinj
Dhe unë i hutuar mes mjegullës
nuk di nëse shkoj apo vij…
Dashuria, im zot, Dashuria…
ObserverKult
————————-
Lexo edhe:
TIMO FLLOKO: I GJALLË APO I VDEKUR, LUS ZOTIN, TË KTHEHEM…
Ndonjëherë pandeh se po iki mendsh,
Pas, si hije më ndjekin të ikurit,
Ditën, fantazma më fanepsen të gjallët,
Në ëndrra, netëve, endem me të vdekurit…!
Nga ankthi zgjohem, sillem si somnabul,
Prej udhës së ëndrrave, si një i ikur ndjehem,
Botë të trazuara…vetëm të mos çmendem,
I gjallë apo i vdekur, lus Zotin, të kthehem…!
ObserverKult
Lexo edhe:
ELONA CASLLI: KU ISHE TI ZOT, KUR MA COPËTUAN TË VOGLËN TIME?!
Është ajo dhimbja që ta çan kraharorin dhe zgjat duart në brendësinë tënde dhe ta shkul zemrën si dhëmballë.
Kriset qielli dhe thërrmohet në duart e tua. Ti ngre sytë lart dhe sheh që nuk ka më qiell. Edhe dielli është zhdukur. Hëna nuk del më.
Kërkon Zotin në zërin tënd. E pyet e i thua – Ku ishe ti Zot kur ma copëtuan të voglën time?!
Faqet e tua kthehen në pellgje uji e sytë e tu në zgavra pagjumësie pêr muaj e vite të tëra. Për një çast dremitesh e në ëndërr të shfaqet e vogla jote. “Mamë, ku je,?!
Ngatërron ëndrrën me jetën e ngrihesh menjëherë. Shkon në dhomën e së voglës dhe fillon t’u marrësh erë rrobave të saj.
Tekstin e plotë e gjeni KETU
ObserverKult
